ନୂଆଦିଲ୍ଲୀ: ମହାତ୍ମା ଗାନ୍ଧୀଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଥିବା ବିଜେପି ସଦସ୍ୟଙ୍କୁ ଟାର୍ଗେଟ୍ କରିଛି କଂଗ୍ରେସ । କଂଗ୍ରେସ ନେତା ଅଧିର ରଂଜନ ଚୌଧୁରୀ ଏହାକୁ ନେଇ ଲୋକସଭାରେ ହୋହଲ୍ଲା କରିଛନ୍ତି । ସେ ଶାସକ ଦଳ ବିଜେପିକୁ ରାବଣର ସନ୍ତାନ ସହ ତୁଳନା କରିଛନ୍ତି ।
ସଂସଦର ଶୂନ୍ୟକାଳରେ ଅଧିର ରଂଜନ ଚୌଧୁରୀ ବିଜେପି ସଦସ୍ୟ ଅନନ୍ତ ହେଗଡେଙ୍କ ସତ୍ୟାଗ୍ରହ ଏକ ଡ୍ରାମା ମନ୍ତବ୍ୟକୁ କାଉଂଟର କରିବାକୁ ଯାଇ ଏଭଳି କହିଛନ୍ତି । ଏଭଳି ମନ୍ତବ୍ୟକୁ ନେଇ ସଂସଦରେ ହୋ ହଲ୍ଲା ହୋଇଥିଲା । ଏହାପରେ ଏହାକୁ ସଂସଦର କାର୍ଯ୍ୟଧାରାରୁ ହଟାଇ ଦିଆଯାଇଛି ।
ଆଜି ଲୋକସକଭାରେ ଶନୂକାଳରେ ଆରମ୍ଭ ହେବା ମାତ୍ରେ ଅଧିର ରଂଜନ ଚୌଧୁରୀ କହିଥିଲେ ଗାନ୍ଧୀ ହେଉଛନ୍ତି ରାମଙ୍କ ପୂଜାରୀ । ବିଜେପି ରାମଙ୍କ ପୂଜାରୀଙ୍କୁ ଅପମାନ କରିଛି । ଏହାପରେ ସେ ବିଜେପିକୁ ରାବଣର ସନ୍ତାନ ସହ ତୁଳନା କରିଥିଲେ । ସେପଟେ ବିଜେପି ସାଂସଦମାନେ ଏଭଳି ମତକୁ ବିରୋଧ କରି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ମୁର୍ଦ୍ଦାବାଦର ନାରା ଦେଇଥିଲେ । ସୂଚନାଯୋଗ୍ୟ, ବିଜେପି ସଦସ୍ୟ ଅନନ୍ତ ହେଗ୍ଡେ ମହାତ୍ମା ଗାନ୍ଧୀଙ୍କ ନେତୃତ୍ୱରେ ହୋଇଥିବା ସ୍ୱାଧୀନତା ଆନ୍ଦୋଳନକୁ ଏକ ନାଟକ ବୋଲି କହିଥିଲେ । ଏହାକୁ ନେଇ ବିବାଦ ସୃଷ୍ଟି ହୋଇଥିଲା ।
Comments are closed.