‘ହୱା ସିଂହ’ର ପୋଷ୍ଟର: ଡିଫରେଂଟ ଲୁକ୍‌ରେ ସୁରଜ

ମୁମ୍ବାଇ: ସାମ୍ନାକୁ ଆସିଲା ଆଗାମି ମୁଭି ‘ହୱା ସିଂହ’ର ପ୍ରଥମ ପୋଷ୍ଟର । ମଙ୍ଗଳବାର ଭାଇଜାନ ସଲମାନ ଖାନ୍ ଏହି ପୋଷ୍ଟରକୁ ନିଜ ଟ୍ୱିଟର ଆକାଉଂଟରେ ସେୟାର କରିଛନ୍ତି । ପୋଷ୍ଟର୍‌ରେ ଅଭିନେତା ସୁରଜ ପାଂଚୋଲିଙ୍କୁ ଏକ ଡିଫ୍‌ରେଂଟ ଲୁକ୍‌ରେ ଦେଖିବାକୁ ମିଳିଛି । ସେ କ୍ଷୀର ପିଉ ଥିବା ସହ ତାଙ୍କ ପାଖରେ ବକ୍ସିଂ ଗ୍ଲୋବ୍ସ ରଖାଯାଇଥିବା ପୋଷ୍ଟରରେ ଦେଖିବାକୁ ମିଳିଛି ।

Hawa se baatein karega singh… #HawaSinghBiopic @Sooraj9pancholi pic.twitter.com/2zS0AQYs0n

— Salman Khan (@BeingSalmanKhan) February 4, 2020

ଏହା ଏକ ବାୟୋପିକ ଫିଲ୍ମ । ପ୍ରସିଦ୍ଧ ବକ୍ସର ହୱା ସିଂହଙ୍କ ଜୀବନି ଉପରେ ଏହି ଫିଲ୍ମ ଆଧାରିତ । ହୱା ସିଂହଙ୍କୁ ଭାରତୀୟ ବକ୍ସିଂର ଜନକ ବୋଲି ମଧ୍ୟ କୁହାଯାଏ । ଅଭିନେତା ସଲମାନ ଖାନ୍‌, ‘ହୱା ସିଂହ’ ସୁରଜଙ୍କ ଏହି ଲୁକ୍ ଶେୟାର କରି ଲେଖିଛନ୍ତି ଯେ, ‘ହୱା ସହ କଥା ହେବ ସିଂହ’ ।
ଏହି ଫିଲ୍ମର ଲିଡ୍ ରୋଲ୍‌ରେ ସୁରଜ ପାଂଚୋଲୀ ଥିବା ବେଳେ ତାଙ୍କ ଅପଜିଟ୍‌ରେ କିଏ ନଜର ଆସିବେ ସେ ନେଇ କୌଣସି ସୂଚନା ମିଳିନାହିଁ । ସାମ୍ ଏସ୍ ଫର୍ଣ୍ଣାଣ୍ଡିସ୍ ଓ କମଲେଶ ସିଂହ କୁଶୱହାଙ୍କ ପ୍ରଯୋଜନାରେ ଫିଲ୍ମଟି ତିଆରି ହୋଇଛି । ଏହାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ପ୍ରକାଶ ନାମ୍ବିଆର ।