ଭୁବନେଶ୍ୱର: ପୁଣି ସାମ୍ନାକୁ ଆସିଲା ଲଭ୍-ସେକ୍ସ-ଧୋକା । ମହିଳାଙ୍କୁ ଧୋକା ଦେଇ ଜେଲ୍ ଗଲେ ଓଏସ୍ଏପି ଯବାନ । ଭୁବନେଶ୍ୱର ନୟାପଲ୍ଲି ଅଚଂଳର ଜଣେ ମହିଳାଙ୍କୁ ଫସାଇ ତାଙ୍କ ସହ ବାରମ୍ବାର ଶାରୀରିକ ସମ୍ପର୍କ ରଖିଥିବା ଅଭିଯୋଗରେ ଓଏସ୍ଏପି ଯବାନ ରାଜକିଶୋର ଭୋଇ ଗିରଫ ହୋଇଛନ୍ତି । ତେବେ ଏହା ପ୍ରଥମ ଥର ନୁହେଁ । ପୂର୍ବରୁ ଥରେ ମଧ୍ୟ ସେ ଏହି ଅଭିଯୋଗରେ ଜେଲ୍ ଯାଇ ସାରିଛନ୍ତି ।
ଗତବର୍ଷ ମାର୍ଚ୍ଚ ମାସରେ ମଧ୍ୟ ସଂପୃକ୍ତ ମହିଳା ଜଣଙ୍କ ସହିଦନଗର ଥାନାରେ ରାଜକିଶୋରଙ୍କ ନାଁରେ ସମାନ ଅଭିଯୋଗ ଆଣିଥିଲେ । ସେତେବେଳେ ମଧ୍ୟ ରାଜକିଶୋର ଗିରଫ ହୋଇ ୨ ମାସ ଜେଲ୍ରେ ରହିଥିଲେ । ଏହାପରେ ଜାମିନ୍ରେ ଆସିଥିଲେ । ତେବେ ଏବେ ପୁଣି ଥରେ ସେ ମହିଳାଙ୍କୁ ଫସାଇ ତାଙ୍କୁ ବିବାହର ପ୍ରତିଶ୍ରୁତି ଦେବା ସହ ଶାରୀରିକ ସମ୍ପର୍କ ରଖିଛନ୍ତି । ଏହା ଜଣାପଡିବା ପରେ ସମ୍ପୃକ୍ତ ମହିଳାଙ୍କ ସ୍ୱାମୀ ତାଙ୍କୁ ଘରୁ ବାହାର କରିଦେଇଛନ୍ତି । ଏହାରି ଭିତରେ ରାଜକିଶୋର ଅନ୍ୟତ୍ର ବିବାହ ମଧ୍ୟ କରିନେଇଥିବା ପୋଲିସ ସୂତ୍ରରୁ ଜଣାପଡିଛି ।
Comments are closed.