ବ୍ୟୁରୋ: ବୁଧବାର ଜମ୍ମୁକାଶ୍ମୀରରେ ଏନକାଉଂଟର । ବଡଗାମ ଜିଲ୍ଲାର ୟୁସମର୍ଗ ଅଂଚଳରେ ସୁରକ୍ଷାବାହିନୀଙ୍କୁ ବଡ ଧରଣର ସଫଳତା ମିଳିଛି । ପହଲଗାମ୍ ଆଟାକ୍ର ବଦଲା ନେଇଛି ସେନା । ସୁରକ୍ଷାକର୍ମୀଙ୍କ ଗୁଳିରେ ପାକିସ୍ତାନର ପୂର୍ବତନ ଏସଏସଜି କମାଣ୍ଡର ନିପାତ ହୋଇଛି । ଲସ୍କର-ଏ-ତୋଇବାର ଉଚ୍ଚ ପ୍ରଶିକ୍ଷିତ ଟପ୍ ଆତଙ୍କୀ ହାଶିମ ମୂସାକୁ ଏନକାଉଂଟର କରିଛି ସୁରକ୍ଷାବଳ । ସେପଟେମ୍ବର ୨୯ତାରିଖ ରାତିରୁ କୋରାଗ ଅଂଚଳରେ ସ୍ଥାନୀୟ ପୋଲିସ ସହ ମିଶି ସର୍ଚ୍ଚ ଅପରେସନ ଆରମ୍ଭ କରିଥିଲା ସେନା । ସେନା, ଜାମ୍ମୁୁ-କାଶ୍ମୀର ପୋଲିସ ଏବଂ ସିଆରପିଏଫକୁ ମିଲିଥିବା ସୂଚନା ଆଧାରରେ ସର୍ଚ୍ଚଅପରେସନ ଆରମ୍ଭ ହୋଇଥିଲା । ଏହି ସମୟରେ କିଛି ସନ୍ଦିଗ୍ଧ ଗତିବିଧି ନଜରକୁ ଆସିଥିଲା । ତାପରେ ସେନା ପକ୍ଷରୁ ଗୁଳିବିନିମୟ ହୋଇଥିଲା । ଘଟଣାସ୍ଥଳରେ ହିଁ ହାଶିମ ଟଳି ପଡିଥିଲା । ପରେ ସେ ଲସ୍କର-ଏ-ତୋଇବାର ଟପ୍୍ ଆତଙ୍କୀ ହାଶିମ ବୋଲି ଜଣାପଡିଲା । ୨୨ ଏପି୍ରଲ ୨୦୨୫ରେ ପହଲଗାମ୍ରେ ଭୟଙ୍କର ଆତଙ୍କୀ ହମଲାର ମାଷ୍ଟରମାଇଣ୍ଡ ଥିଲା ମୂସା । ଘଟଣାରେ ୨୬ଜଣଙ୍କର ମୃତୁ୍ୟୁ ହୋଇଥିଲା । ଜମ୍ମୁ-କାଶ୍ମୀର ଡିଜିପିଙ୍କ ସୂଚନା ଅନୁସାରେ ପୁଂଚ୍ରେ ହୋଇଥିବା ଆତଙ୍କୀ ହମଲାର ମୁଖ୍ୟ ଥିଲା ହାଶିମ୍ । ପ୍ରଥମେ ପାକିସ୍ଥାନ ଏସଏସଜିରେ ପାରା କମାଣ୍ଡୋ ଭାବେ ହାବିଲଦାର ପୋଷ୍ଟରେ ଥିଲା । ୨୦୨୩ରେ ଅବସର ନେଇ ଲସ୍କର –ଏ-ତୋଇବାରେ ଯୋଗଦେଇଥିଲା । ଜଣେ ଉଚ୍ଚସ୍ତରୀୟ କମାଣ୍ଡୋ ଭାବେ ଆମ୍ବୁସ୍ କରିବା ଏବଂ ଗରିଲା ତରିକାରେ ଆଟାକ୍ କରିବାରେ ମାହିର ଥିଲା ମୂସା । ମିଲିଟାରୀ ବ୍ୟାକ୍ଗ୍ରାଉଣ୍ଡ ହିଁ ତଦନ୍ତ ପରିସରଭୁକ୍ତ ହୋଇଛି । ପୂର୍ବରୁ ସେପଟେମ୍ବର ୫ରେ ୟୁସମର୍ଗର ପାହାଡିଆ ଅଂଚଳରେ ସଚ୍ଚ ର୍ଅପରେସନ ହୋଇଥିଲା ହେଲେ ସୁରକ୍ଷାବାହିନୀଙ୍କୁ ଚକମା ଦେବାରେ ସଫଳ ହୋଇଥିଲା ହାଶିମ୍ । ଘନିଷ୍ଠ ସହଯୋଗୀ ୟାସିର ନିହତ ହୋଇଥିଲା । ଏହାପରେ ମୂସାକୁ ସର୍ଚ୍ଚ ଅପରେସନ ଜୋର ଧରିଥିଲା । ଏନକାଉଂଟର ପରେ ମଧ୍ୟ ପୁରା ଅଂଚଳରେ ସର୍ଚ୍ଚ ଅପରେସନ ଜାରି ରହିଛି । ଆଉ କୌଣସି ଆତଙ୍କୀ ଲୁଚିଛନ୍ତି କି ନାହିଁ ତାର ଯାଂଚ ଚାଲିଛି । ସେନା ପକ୍ଷରୁ ଅପରେସନ କୋରାଗ୍ ବୋଲି ନାଁ ଦିଆଯାଇଛି । ସେପଟେମ୍ବରରେ ଆତଙ୍କୀ ବିରୋଧୀ ଅଭିଯାନ ଲଗାତାର ଜାରି ରହିଥିବା ବେଳେ ଏହି ଘଟଣା ସୁରକ୍ଷା ବ୍ୟବସ୍ଥା ପାଇଁ ଗୁରୁତ୍ୱ ବହନ କରୁଛି ।
BREAKING NEWS
- ୱାରେନ୍ ବଫେଟ୍ଙ୍କ ବଡ଼ ବଦାନ୍ୟତା: ୪ଟି ପାରିବାରିକ ଟ୍ରଷ୍ଟକୁ ଦାନ କଲେ ୫.୫ ବିଲିୟନ ଡଲାର
- Cyclone ‘Akvan’:ସୃଷ୍ଟି ହେଲା ବାତ୍ୟା;ଏଥର ମଧ୍ୟ ଆନ୍ଧ୍ରରେ ଲ୍ୟାଣ୍ଡଫଲ
- ଆମେରିକା ନେତୃତ୍ୱାଧୀନ ଘୋଷଣାନାମାରେ ସ୍ୱାକ୍ଷର କଲା ଭାରତ, AI ସପ୍ଲାଏ ଚେନକୁ ସୁରକ୍ଷିତ ରଖିବା ଉଦ୍ଦେଶ୍ୟ
- କୋଟିଆରେ ଟିପିଏସ୍ଓଡିଏଲ୍ ତରଫରୁ ମାଗଣା ସ୍ୱାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର
- Bhaskar Rao Bail Rejected:ଏନ୍ ଭାସ୍କର ରାଓଙ୍କ ଜାମିନ ଆବେଦନ ଖାରଜ
- ଆମେରିକା କିମ୍ବା କାନାଡାରେ ଭାରତ ବିପକ୍ଷ ଟି-୨୦ ମ୍ୟାଚ୍ ଆୟୋଜନ କରିବ ୱେଷ୍ଟଇଣ୍ଡିଜ
- ସିଲେକ୍ଟର ଯେଉଁଠି ବସିଛନ୍ତି, ସେଇଠି ମାରିବାକୁ ହେବ: ସୂର୍ୟ୍ୟକୁମାର
- ବିଲକିସ୍ ବାନୋ ଗଣଦୁଷ୍କର୍ମ ଓ ହତ୍ୟା ମାମଲା; ୨ ଜଣ ଦୋଷୀଙ୍କୁ ଜାମିନ ପ୍ରଦାନ କଲେ ସୁପ୍ରିମକୋର୍ଟ
- ବିଶ୍ୱ ଟେଷ୍ଟ ଚାମ୍ପିୟନଶିପ ଆଶା ଏବଂ କୋଚ୍ ଗୌତମ ଗମ୍ଭୀରଙ୍କ ବିଶ୍ୱସନୀୟତା ବାଜିରେ
- ସମ୍ଭାବ୍ୟ ବାତ୍ୟା ମୁକାବିଲା ବୈଠକ ପରେ ରାଜସ୍ୱ ମନ୍ତ୍ରୀଙ୍କ ସୂଚନା: ଭୂସ୍ଖଳନ ଆଶଙ୍କା ଥିଲେ କରାଯିବ ସ୍ଥାନାନ୍ତର
Comments are closed.