ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ୍ ସମର୍ଥିତ ଘରୋଇ ଇନ୍ଧନ କମ୍ପାନୀ ଜିଓ-ବିପି ପେଟ୍ରୋଲ ଏବଂ ଡିଜେଲ ମୂଲ୍ୟ ବୃଦ୍ଧି କରିଛି। କମ୍ପାନୀ ପେଟ୍ରୋଲ ମୂଲ୍ୟ ଲିଟର ପିଛା ୫ ଏବଂ ଡିଜେଲ ମୂଲ୍ୟ ଲିଟର ପିଛା ୩ ଟଙ୍କା ବୃଦ୍ଧି କରିଛି। ନୂତନ ମୂଲ୍ୟ ଅକ୍ଟୋବର ୧୧, ୨୦୨୬ ସକାଳ ୬ ଟାରୁ ଲାଗୁ ହୋଇଛି।
ଏହି ବୃଦ୍ଧି ସହିତ ଗ୍ରାହକମାନଙ୍କୁ ଜିଓ- ବିପି ପେଟ୍ରୋଲ ପମ୍ପରେ ପୂର୍ବ ଅପେକ୍ଷା ଅଧିକ ମୂଲ୍ୟ ଦେବାକୁ ପଡିବ। ପୂର୍ବରୁ ଘରୋଇ ତୈଳ କମ୍ପାନୀ ନାୟାରା ଏନର୍ଜି ମଧ୍ୟ ପେଟ୍ରୋଲ ଏବଂ ଡିଜେଲ ମୂଲ୍ୟ ବୃଦ୍ଧି କରିଥିଲା।
ରିପୋର୍ଟ ଅନୁସାରେ, ଜିଓ-ବିପି ପେଟ୍ରୋଲ ମୂଲ୍ୟ ଲିଟର ପିଛା ୫ ଏବଂ ଡିଜେଲ ମୂଲ୍ୟ ଲିଟର ପିଛା ୩ ବୃଦ୍ଧି କରିଛି। ଇନ୍ଧନ ବିକ୍ରେତାଙ୍କ ଅନୁଯାୟୀ, ମୂଲ୍ୟ ବୃଦ୍ଧି ପରେ ରବିବାରଠାରୁ ପଞ୍ଜାବରେ ପେଟ୍ରୋଲ୍ ଲିଟର ପିଛା ପ୍ରାୟ ୧୦୮.୫୪ ଟଙ୍କା ଏବଂ ଡିଜେଲ୍ ୯୯.୧୯ ଟଙ୍କାରେ ବିକ୍ରି ହେଉଛି। ସେହିପରି ହରିୟାଣାରେ, Jio-bp ପମ୍ପଗୁଡ଼ିକରେ ପେଟ୍ରୋଲ୍ ଲିଟର ପିଛା ପ୍ରାୟ ୧୦୯.୮୦ ଟଙ୍କା ଏବଂ ଡିଜେଲ୍ ୯୭.୭୫ ଟଙ୍କାରେ ବିକ୍ରି ହେଉଛି।
ଜିଓ-ବିପି ଚଳିତ ବର୍ଷ ପ୍ରଥମ ଥର ପାଇଁ ପେଟ୍ରୋଲ ଏବଂ ଡିଜେଲ ମୂଲ୍ୟ ବୃଦ୍ଧି କରିଛି। କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏବଂ ବ୍ରିଟିଶ ଶକ୍ତି କମ୍ପାନୀ ବିପିର ଏକ ମିଳିତ ଉଦ୍ୟୋଗ। ସାରା ଦେଶରେ ଏହାର ୨,୨୨୭ ପେଟ୍ରୋଲ ପମ୍ପ ଅଛି। ପଶ୍ଚିମ ଏସିଆରେ ଚାଲିଥିବା ବିବାଦ ଏବଂ ହର୍ମୁଜ୍ ପ୍ରଣାଳୀରୁ ତୈଳ ଯୋଗାଣରେ ବାଧା ସୃଷ୍ଟି ହେବା ଯୋଗୁଁ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଏବଂ ପେଟ୍ରୋଲିୟମ ଉତ୍ପାଦର ମୂଲ୍ୟ ଉପରେ ଚାପ ବୃଦ୍ଧି ପାଇଛି। ଏହା ଇନ୍ଧନ ଖୁଚୁରା ବିକ୍ରୟ କମ୍ପାନୀ ଗୁଡ଼ିକର ଲାଭକୁ ପ୍ରଭାବିତ କରୁଛି। ଏହି ସମୟରେ Jio-bp ମଧ୍ୟ ମୂଲ୍ୟ ବୃଦ୍ଧି କରିବାକୁ ନିଷ୍ପତ୍ତି ନେଇଛି।