ନିୟମ ଭାଙ୍ଗି ନାଲିଆଖି ଦେଖାଇଲେ ମହିଳା, କହିଲେ ଦେବିନି ଫାଇନ୍‌

ଭୁବନେଶ୍ୱର: ନିୟମ ଭାଙ୍ଗି ପୋଲିସକୁ ନାଲିଆଖି ଦେଖାଇଲେ ମହିଳା । ଗାଡି ଚେକିଂ ବେଳେ ରାଜମହଲ ଛକରେ ଦେଖିବାକୁ ମିଳିଛି କିଭଳି ଏଭଳି ଦୃଶ୍ୟ । ରଙ୍ଗରୁଟ୍ ଡ୍ରାଇଭିଂ ଚେକିଂ ବେଳେ ସେଠାରେ ଉତେଜନା ଦେଖାଦେଇଛି ।
ଭୁବନେଶ୍ୱର ରାଜମହଲ ଛକରେ ଜଣେ ମହିଳା ଚାଳକ ଆଜି ରଙ୍ଗରୁଟ୍‌ରେ ଆସୁଥିବା ବେଳେ ତାଙ୍କୁ ଟ୍ରାଫିକ୍ ପୋଲିସ ଅଟକାଇଥିଲା । ଏହାକୁ ନେଇ ମହିଳା ଜଣକ ପ୍ରତିବାଦ କରିଥିଲେ । ପୋଲିସ ଓ ମହିଳାଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ମହିଳା ଜଣକ ମୋ ରାସ୍ତା, ମୋ ଗାଡି ମୁଁ ଫାଇନ୍ ଦେବିନି ବୋଲି କହିଥିଲେ । ପାଟିତୁଣ୍ଡ ପରେ ବିନା ଚାଲାଣରେ ଗାଡି ଓ ଚାଳକଙ୍କୁ ପୋଲିସ ଛାଡି ଦେଇଥିବା ଜଣାପଡିଛି ।