ଭୁବନେଶ୍ୱର: ସରିଛି ଡେଡ୍ ଲାଇନ୍ । ୬ ମାସର କୋହଳ ପରେ ପୁଣି କଡାକଡି ହୋଇଛି ନୂଆ ମୋଟର ଯାନ ଆଇନ । ପୁଣି ଆରମ୍ଭ ହୋଇଛି ଛକ ଛକରେ ଚେକିଂ । ଟ୍ରାଫିକ ନିୟମ ଉଲ୍ଲଂଘନକାରୀଙ୍କୁ ସ୍ଥାନେ ସ୍ଥାନେ ଜଗି ଚାଲାଣ କାଟୁଛି ପୋଲିସ । ରାଜଧାନୀ ଭୁବନେଶ୍ୱର ସମେତ ରାଜ୍ୟର ବିଭିନ୍ନ ସ୍ଥାନରେ ସକାଳୁ ଟ୍ରାଫିକ୍ ଚେକିଂ କଡାକଡି ହୋଇଛି ।
ତେବେ ଭୁବନେଶ୍ୱର ଆର୍ଟିଓ-୨ ଇନ୍ଫୋସିଟି ଅଂଚଳରେ ଆର୍ଟିଓ-୨ ପକ୍ଷରୁ ଚେକିଂ ଜୋରଦାର ହୋଇଛି । ରବିବାର ମଧ୍ୟାହ୍ନ ସୁଦ୍ଧା ୬୩ ଜଣଙ୍କ ଚାଲାଣ କଟାଯାଇଛି । ଫାଇନ ବାବଦକୁ ୨ଲକ୍ଷ ୫୦ ହଜାର ଟଙ୍କା ଆଦାୟକ କରାଯାଇଥିବା ଆଂଚଳିକ ପରିବହନ ଅଧିକାରୀ ଭୁବନେଶ୍ୱର ଆର୍ଟିଓ-୨ ସୂଚନା ଦେଇଛନ୍ତି । କେବଳ ଇନ୍ଫୋସିଟି ଅଂଚଳରୁ ହିଁ ଜଣେ ବାଇକ୍ ଆରୋହୀଙ୍କଠାରୁ ୨୨ ହଜାର ଟଙ୍କା ଫାଇନ ଆଦାୟ ହୋଇଥିବା ଜଣପାଡିଛି ।
Comments are closed.