ରାଉରକେଲା: ରାଜ୍ୟରେ ବିଭିନ୍ନ ସ୍ଥାନରେ ବଜ୍ରପାତ ଯୋଗୁଁ ୫ ଜଣଙ୍କ ପ୍ରାଣହାନି ହୋଇଛି । ସୁନ୍ଦରଗଡ ଜିଲ୍ଲା ଧରୁଆଡିହି ଅଞ୍ଚଳର ଘଣ୍ଟିବୁଡ ଗାଁରେ ୨ ଯୁବକଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି । କେନ୍ଦୁପତ୍ର ତୋଳିବାକୁ ଯାଇ ଗଛମୂଳେ ଛିଡା ହୋଇଥିବାବେଳେ ତାଙ୍କୁ ବଜ୍ର ଆଘାତ ଲାଗିଥିଲା ।
ସେହିଭଳି ବଜ୍ରପାତ ଆଘାତରେ କଣ୍ଟାବାଞ୍ଜିର କୋରୁଆମୁଣ୍ଡା ପଞ୍ଚାୟତ ଶରଗୁଳ ଗାଁରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ବଟକରି ଗାଁରେ ମଇଁଷି ଚରାଉଥିବାବେଳେ ବଜ୍ର ଆଘାତ ଲାଗି ଜଣେ ବାଳକର ମୃତ୍ୟୁ ହୋଇଛି । କେନ୍ଦୁଝର ଜିଲ୍ଲା କଣ୍ଡ୍ରାପଶି ଗାଁରେ ଗୋରୁ ଚରାଉଥିବା ବେଳେ ବଜ୍ରପାତ ଆଘାତରେ ବୃଦ୍ଧଙ୍କ ଜୀବନ ଚାଲିଯାଇଛି ।
Comments are closed.