ଭୁବନେଶ୍ୱର : ଓଡିଶାକୁ ଫେରୁଥିବା ପ୍ରବାସୀ ଶ୍ରମିକଙ୍କ ସଂଖ୍ୟା ବଢିବା ସହିତ ବଢିଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ଦ୍ରୁତ ଗତିରେ କରୋନା ପଜିଟିଭ୍ ଙ୍କ ସଂଖ୍ୟା ବୃଦ୍ଧି ପାଉଥିବା ୫ଟି ରେଡ୍ ହଟ ଜୋନ ଜିଲ୍ଲାରେ ଏହା ୫୦ ଟପିଥିବା ବେଳେ ତିନିଟିରେ ୧୦୦ ଅତିକ୍ରମ କରିଛି । କରୋନା ଆକ୍ରାନ୍ତରେ ଶତକ ପାର କରିଥିବା ଏହି ତିନିଟି ଜିଲ୍ଲା ଗଂଜାମ, ବାଲେଶ୍ୱର ଓ ଯାଜପୁରରେ ମୋଟ କରୋନା ପଜିଟିଭ୍ ସଂଖ୍ୟା ୫୦୦ ଡେଇଁଛି ।
ସବୁଠାରୁ ବିସ୍ଫୋରକ ବୃଦ୍ଧି ଘଟୁଥିବା ଗଂଜାମ ଜିଲ୍ଲାରେ ୧୫ ଦିନ ମଧ୍ୟରେ ସଂଖ୍ୟା ୨୯୨ ପହଞ୍ଚିଛି । ଏହା ପଛକୁ ରହିଛି ୧୨୧ କରୋନା ପଜିଟିଭ୍ ଚିହ୍ନଟ ହୋଇଥିବା ଯାଜପୁର ଜିଲ୍ଲା । ସେହିଭଳି ତୃତୀୟ ସ୍ଥାନରେ ରହିଥିବା ବାଲେଶ୍ୱର ଜିଲ୍ଲାରେ ୧୧୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ସୂଚନାଯୋଗ୍ୟ ଯେ,ଆଜି ସକାଳେ ୯୧ ନୂଆ କରୋନା ପଜିଟିଭ ରୋଗୀ ଚିହ୍ନଟ ହେବା ସହିତ ଓଡିଶାରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୮୨୮ ପହଞ୍ଚିଛି ।
Comments are closed.