ବ୍ରହ୍ମପୁର : ଭାରତୀୟ କୋଷ୍ଟ ଗାର୍ଡ, ଏନଡିଆରଏଫ ଓ ଓଡ୍ରାଫ ଟିମର ମିଳିତ ଉଦ୍ୟମରେ ଗୁରୁବାର ସକାଳୁ ଆନ୍ଧ୍ରପ୍ରଦେଶର ପାଖାପାଖି ୨୬ ଜଣ ମତ୍ସଜୀବୀଙ୍କୁ ଗୋପାଳପୁର ଉପକୂଳରୁ ଉଦ୍ଧାର କରାଯାଇଛି ।
ସୂଚନା ଅନୁଯାୟୀ ପାଣିପାଗ ବିଭାଗ ର ସତର୍କତା ସୂଚନା ନମାନି ପାଖାପାଖି ୩୫ ଟି ଟ୍ରଲରରେ ୧୫୦ଜଣ ମତ୍ସଜୀବୀ ଗଭୀର ସମୁଦ୍ର ମଧ୍ୟକୁ ପ୍ରବେଶ କରିଥିଲେ । ଅନ୍ୟପକ୍ଷରେ ବାତ୍ୟା ତିତଲି ରାତି ସୁଦ୍ଧା ଗୋପାଳପୁର ଉପକୂଳରେ ପହଞ୍ଚିବାରୁ ସେମାନେ ଉଦ୍ଧାର ପାଇଁ ଗଞ୍ଜାମ ପ୍ରଶାସନର ସହାୟତା ଲୋଡିଥିଲେ ।
ଅନ୍ୟପକ୍ଷରେ ସେମାନଙ୍କ ଆବେଦନ ପରେ ଦକ୍ଷିଣାଞ୍ଚଳ ଡିଆଜି, ଗଞ୍ଜାମ ଜିଲ୍ଲାପାଳ ଓ ଏସପି ଙ୍କ ସହ ଆଲୋଚନା କରି ଡିଆଜି(କୋଷ୍ଟ ଗାର୍ଡ)ଙ୍କ ସହାୟତାରେ ଉଦ୍ଧାର କାର୍ଯ୍ୟ ପାଇଁ ନିର୍ଦ୍ଦେଶ ଜାରି କରିଥିଲେ ।
ଏହି ନିର୍ଦ୍ଦେଶ ପରେ ଭାରତୀୟ କୋଷ୍ଟ ଗାର୍ଡ ଅଧ୍ୟକ୍ଷତାରେ ଏନଡିଆରଏଫ ଓ ଓଡ୍ରାଫ ଟିମ ମିଳିତ ଉଦ୍ୟମରେ ଗତକାଲି ରାତିରେ ସମୁଦ୍ର ମଧ୍ୟକୁ ପ୍ରବେଶ କରି ଏହି ଟିମ ସର୍ଚ୍ଚ ଅପରେସନ କରି ୨୬ ଜଣ ମତ୍ସଜୀବୀଙ୍କୁ ଉଦ୍ଧାର କରିବାରେ ସଫଳ ହୋଇଥିଲା । ଅନ୍ୟମାନଙ୍କୁ ଖୋଜିବା ପାଇଁ ଉଦ୍ଧାର କାର୍ଯ୍ୟ ଜାରି ରହିଛି ।