କେନ୍ଦୁଝର: ପୁଣି ସଙ୍କଟରେ ଗଜରାଜ । ଚମ୍ପୁଆ ରେଂଜ ଯୋଡା ଫରେଷ୍ଟ ଡିଭିଜନ ଅନ୍ତର୍ଗତ ବୈତରଣୀ ରିଜର୍ଭ ଫରେଷ୍ଟର ଗୁରୁବେଡା ନିକଟରୁ ଦୁଇଟି ହାତୀର ମୃତଦେହ ଉଦ୍ଧାର ହୋଇଛି । ମୃତ ଦୁଇ ହାତୀଙ୍କ ମଧ୍ୟରେ ଜଣେ ମାଇ ହାତୀ ଥିବା ବେଳେ ଆଉ ଜଣେ ଦନ୍ତା ହାତୀ ରହିଛି ।
ଦୁଇଟି ହାତୀର ମୃତ ଦେହକୁ ପ୍ରଥମେ ଜଙ୍ଗଲକୁ କାଠ ସଂଗ୍ରହ କରିବାକୁ ଯାଇଥିବା କିଛି ଗ୍ରାମବାସୀ ଦେଖିକରି ବନବିଭାଗର କର୍ମଚାରୀ ଙ୍କୁ ତୁରନ୍ତ ଖବର ଦେଇଥିଲେ. ତେବେ ମାଇ ହାତୀଟିର ଶୁଣ୍ଢରେ ଗଭୀର ଆଘାତ ଲାଗିଥିବାବେଳେ ଅଣ୍ଡିରା ହାତୀଟିର ଦାନ୍ତ କଟାଯାଇଥିବା ଦେଖିବାକୁ ମିଳିଛି ।
ଦୁର୍ବୃତ୍ତ ମାନେ ହାତୀ ଦାନ୍ତ ପାଇଁ ହାତୀ ଗୁଡ଼ିକୁ ହତ୍ୟା କରିଥିବା ସନ୍ଦେହ କରାଯାଉଛି । ବନ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି । ମୃତ ମାଈ ହାତୀ ର ବୟସ ପ୍ରାୟ ୨୦ ଓ ଅଣ୍ଡିରା ହାତୀ ର ବୟସ ୨୨ ହେବ ବୋଲି ଅନୁମାନ କରାଯାଉଛି ।
Comments are closed.