ପ୍ରେମିକ ସାଜିଲା ପିଶାଚ, ପ୍ରେମିକାକୁ ମାରି ପୋତିଦେଲା

ବ୍ରହ୍ମଗିରି(ପୁରୀ): ସୈତାନ ପ୍ରେମିକ । ପିଶାଚ ସାଜିଲା । ମାରିଦେଲା ପ୍ରେମକୁ । ପ୍ରେମିକାକୁ କବର ଦେଇଦେଲା । ହତ୍ୟା କରିବା ପରେ ପୋଖରୀ ହୁଡ଼ାରେ ମୃତଦେହକୁ ପୋତି ଦେଇଥିବା ଅଭିଯୋଗ । ପୁରୀ ଜିଲ୍ଲା ବ୍ରହ୍ମଗିରି ଅଞ୍ଚଳରୁ ଏଭଳି ଲୋକଟାଙ୍କୁରା ହତ୍ୟାକାଣ୍ଡ ସାମନାକୁ ଆସିଛି ।

ହତ୍ୟାକାରୀ ପ୍ରେମିକ ସୁଜିତକୁ ଗିରଫ କରିଛି ବ୍ରହ୍ମଗିରି ଥାନା ପୋଲିସ । ଶ୍ରୀକରପୁର ଗାଁ ପୋଖରୀ ହୁଡ଼ାରୁ ଯୁବତୀଙ୍କ ମୃତଦେହ ଉଦ୍ଧାର କରିଛି । ଅଭିଯୁକ୍ତକୁ ଘଟଣାସ୍ଥକୁ ନେଇ ତଦନ୍ତ କରିଛି ପୋଲିସ ।

ଅଭିଯୋଗ ହୋଇଛି, ଗତ ୧୮ ତାରିଖରୁ ସୁଜିତ ପ୍ରେମିକାଙ୍କୁ ଧରି କୁଆଡ଼େ ପଳାଇଥିଲା । ତେବେ ପରେ ସେ ଗାଁରେ ବୁଲୁଥିବା ବେଳେ ଯୁବତୀଙ୍କ ପତ୍ତା ନଥିଲା । ଏନେଇ ଯୁବତୀଙ୍କ ପରିବାର ଲୋକ ଥାନାରେ ଅଭିଯୋଗ କରିଥିଲେ ।

ସୁଜିତଙ୍କୁ ଅଟକ ରଖି ପଚରାଉଚରା ବେଳେ ସାମନାକୁ ଆସିଥିଲା ସାଂଘାତିକ ସତ । ତେବେ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି ।