ବ୍ରହ୍ମପୁର: ନୂଆଁ ବର୍ଷକୁ ନେଇ ସବୁଆଡ଼େ ଉତ୍ସବ ଦେଖିବାକୁ ମିଳିଥିବା ବେଳେ ଗଞ୍ଜାମ ଜିଲା ରମ୍ଭା ଥାନା ଅନ୍ତର୍ଗତ ମୟୁରପଦା ଗ୍ରାମରେ ଘଟିଯାଇଛି ଲୋମହର୍ଷଣକାରୀ ହତ୍ୟାକାଣ୍ଡ। ସ୍ବାମୀ ତାଙ୍କ ସ୍ତ୍ରୀଙ୍କୁ ହତ୍ୟା କରିବା ପରେ ସାଙ୍ଗମାନଙ୍କ ସହ ପାଳିଛନ୍ତି ଜିରୋ ନାଇଟ୍ ଏବଂ ନୂଆ ବର୍ଷ। ଅଭିଯୁକ୍ତ ସ୍ବାମୀଙ୍କୁ ଗିରଫ କରିଛି ପୋଲିସ।
ମିଳିଥିବା ସୂଚନା ଅନୁଯାୟୀ, ମୟୂରପଦା ଗ୍ରାମର ସିଏଚ୍. ଲକ୍ଷ୍ମଣ ରେଡ଼ିଙ୍କ ସହିତ ବେଣୀଗୌରୀ ଗ୍ରାମର ଜାନକୀଙ୍କ ପ୍ରାୟ ୧୭ ବର୍ଷ ପୂର୍ବେ ବିବାହ ହୋଇଥିଲା। ଲକ୍ଷ୍ମଣ ବୃତ୍ତିରେ ଜଣେ ଡ୍ରାଇଭର୍। ସେ ପ୍ରାୟତଃ ରାଜ୍ୟ ବାହାରେ ହିଁ ରହୁଛନ୍ତି। ଘରକୁ ଯେବେ ଆସୁଥିଲେ ଜାନକୀଙ୍କୁ ମାର୍ପିଟ୍ କରୁଥିଲେ। ଗତ ପ୍ରାୟ ୮ ଦିନ ପୂର୍ବେ ଗାଁକୁ ଫେରିଥିଲେ। ଶନିବାର ରାତିରେ ପ୍ରଚୂର ମଦ୍ୟପାନ କରିଥିଲେ। ଘରକୁ ଫେରିବା ପରେ ଜାନକୀଙ୍କ ସହ ଝଗଡ଼ା ହୋଇଥିଲା। ବାପା-ମା’ଙ୍କ ଝଗଡ଼ା ଦେଖି ଝିଅ ଜୟନ୍ତୀ( ୧୪ ବର୍ଷ )ଓ ପୁଅ ନରସିଂହ (୯ ବର୍ଷ )ସେହି ଗ୍ରାମ ନିଜ ପିଉସୀ ଘରକୁ ଶୋଇବାକୁ ଚାଲି ଯାଇଥିଲେ। ଜାନକୀ ଏକା ଘରେ ଶୋଇଥିଲେ। ଏହାର ସୁଯୋଗରେ ଜାନକୀଙ୍କୁ ବେକକୁ ଚିପି ହତ୍ୟା କରିଥିବା ନେଇ ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି। ତେବେ ହତ୍ୟା ପରେ ଲକ୍ଷ୍ମଣ ସାଙ୍ଗମାନଙ୍କ ସହିତ ଜିରୋ ନାଇଟ ପାଳନ କରିଥିଲେ। ନିଶା ଛାଡ଼ିବା ପରେ ରବିବାର ସକାଳୁ ସକାଳୁ ଘରକୁ ଫେରିଥିଲେ। ସେ ଏବଂ ତାଙ୍କ ମା’ ଏକ ଅଟୋରେ ଜାନକୀଙ୍କୁ ଛତ୍ରପୁର ଉପଖଣ୍ଡ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ତେବେ ଜାନକୀଙ୍କ ମୃତ୍ୟୁ ହୋଇଯାଇଥିବା ଯୋଗୁ ଡାକ୍ତର ତୁରନ୍ତ ଏନେଇ ହୁମ୍ମା ଫାଣ୍ଡିକୁ ସୂଚନା ଦେଇଥିଲେ। ଖବର ପାଇ ଫାଣ୍ଡି ଅଧିକାରୀ ଦେବଦତ୍ତ ପ୍ରିୟଦର୍ଶୀ ମୟୁରପଦା ଗ୍ରାମକୁ ଯାଇ ତଦନ୍ତ କରିବା ସହ ସାଇଣ୍ଟିଫିକ ଟିମକୁ ଅବଗତ କରିଥିଲେ। ସାଇଣ୍ଟିଫିକ ଟିମ ଘଟଣା ସ୍ଥଳକୁ ଯାଇ ବିଭିନ୍ନ ଦିଗକୁ ନେଇ ତଥ୍ୟ ହାସଲ କରିଛି। ମୃତ ଜାନକୀର ବେକରେ ଏକ ଚି଼ହ୍ନ ଥିବା ଏବଂ ଆଖି ପତା ନୀଳ ପଡି ଯାଇଥିବା ଦେଖିବାକୁ ମିଳିଛି। ଏନେଇ ରମ୍ଭା ଥାନାରେ ଏକ ମାମଲା ରୁଜୁ ହୋଇଛି। ଲକ୍ଷ୍ମଣଙ୍କୁ ଅଟକ ରଖି ପଚରାଉଚରା ଚାଲୁଛି।
BREAKING NEWS
- କମିଲା ଗ୍ୟାସ୍ ଦର, ୧୯ ଟଙ୍କା କମିଲା କମର୍ସିଆଲ ଏଲ୍ପିଜି ସିଲିଣ୍ଡର ଦାମ୍
- ମେ ୫ରେ ୟୁପିଏସ୍ସି କୋଚିଂ ପ୍ରବେଶିକା, ପରୀକ୍ଷା ଦେବେ ୩ ହଜାର ୭୩୧ ଶିକ୍ଷାର୍ଥୀ
- ୬ ରୁ ପାରଦ ୪୦ ତଳେ, ୭ ରେ ବର୍ଷା !
- ମୋଦୀଙ୍କ ଓଡ଼ିଆ ଅସ୍ମିତା ଅଭିଯୋଗର ଜବାବ ଦେଲେ ପାଣ୍ଡିଆନ୍?
- ତିନି ରାଜନୈତିକ ଦଳରେ ଟିକେଟ୍ ପାଇଁ ହେଉଛି କି ଟଙ୍କା କାରବାର?
- ‘ମେ ୬ରେ ବ୍ରହ୍ମପୁର ଗସ୍ତରେ ଆସିବେ ମୋଦୀ’
- ବିଜେପି କ୍ଷମତାକୁ ଆସିଲେ ବିଏସକେଓ୍ବାଇ ବନ୍ଦ ହୋଇଯିବ, ପାଣ୍ଡିଆନଙ୍କ ଅଭିଯୋଗରେ ଜବାବ ଦେଲେ ଧର୍ମେନ୍ଦ୍ର
- ବିଶ୍ୱର ୧୦ଟି ଉତ୍ତପ୍ତ ସ୍ଥାନ ତାଲିକାରେ ରାଜ୍ୟର ୩ଟି ସହର, ସର୍ବାଗ୍ରେ ବାରିପଦା
- ସତ୍ୟପାଠର ତଥ୍ୟରୁ ଖୁଲାସା; ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୭୧ କୋଟିର ମାଲିକ
- ଜନ୍ମ ଦିନରେ ରୋହିତ ଆଇପିଏଲରେ ପୂନର୍ବାର ଫେଲ