ଲକ୍ଷ୍ମୌ: ଉତ୍ତରପ୍ରଦେଶ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ଆଜି (ମଙ୍ଗଳବାର) ଲୋକସଭାରୁ ଇସ୍ତଫା ଦେଇଛନ୍ତି। ଉତ୍ତରପ୍ରଦେଶ ବିଧାନସଭା ନିର୍ବାଚନରେ ଅଖିଳେଶ ଯାଦବ କରହଲ ଆସନରୁ ବିଧାୟକ ଭାବରେ ନିର୍ବାଚିତ ହୋଇଛନ୍ତି। ତାଙ୍କ ସହିତ ଅଖିଳେଶ ଯାଦବ ୨୦୧୯ରେ ଆଜାମଗଡ ଲୋକସଭା ଆସନରୁ ସାଂସଦ ଭାବରେ ନିର୍ବାଚିତ ହୋଇଥିବା ଆଜମ ଖାନ ମଧ୍ୟ ଲୋକସଭାରୁ ଇସ୍ତଫା ଦେଇଛନ୍ତି। ଆଜାମ ଖାନ ରାମପୁର ବିଧାନସଭା ଆସନରୁ ବିଧାୟକ ଭାବରେ ନିର୍ବାଚିତ ହୋଇଛନ୍ତି।
ବିଧାନସଭା ନିର୍ବାଚନର ଫଳାଫଳରୁ ଅଖିଳେଶ ଯାଦବ ବିଧାନସଭା ଛାଡିବେ ନା ଲୋକସଭାରୁ ଇସ୍ତଫା ଦେବେ ବୋଲି ଆଲୋଚନା ହୋଇଥିଲା। କୁହାଯାଉଥିଲା ଯେ ସେ କରହଲ ଆସନ ଛାଡିବେ ଆଉ ସାଂସଦ ହୋଇ ରହିବେ । କିନ୍ତୁ ଆଜି ଲୋକସଭାରୁ ସେ ଇସ୍ତଫା ଦେବା ପରେ ସମସ୍ତ କଳ୍ପନା ଜଳ୍ପନାର ଅନ୍ତ ଘଟିଛି।
କୁହାଯାଉଛି କେନ୍ଦ୍ରରେ ବିଜେପିର ଦବଦବା ରହିଛି । ହେଲେ ରାଜ୍ୟରେ ଏବେ ଦଳର ସ୍ଥିତି ପୂର୍ବ ଅପେକ୍ଷା ସୁଧାର ଆସିଛି । ତେଣୁ ଆସନ୍ତା ଲୋକସଭା ନିର୍ବାଚନରେ ଦଳକୁ ଭଲ ପ୍ରଦର୍ଶନ କରିବାକୁ ହେଲେ ୟୁପିରେ ରହିବା ନିହାତି ଜରୁରୀ । ସେହିପରି ବିଧାନସଭାରେ ଯୋଗୀ ସରକାରକୁ ଘେରିବାକୁ ହେଲେ ବଡ ଚେହେରାର ଆବଶ୍ୟକତା ରହିଛି । ତେଣୁ ନୂଆଦିଲ୍ଲୀ ରାଜନୀତିରେ ସକ୍ରିୟ ନରହି ରାଜ୍ୟ ରାଜନୀତିରେ ସକ୍ରିୟ ରହିବାକୁ ଦୁଇ ଏସପି ନେତା ଉଚିତ ମନେ କରିଥିବା ସୂଚନା ରହିଛି।
ବିଧାନସଭା ନିର୍ବାଚନରେ ଅଖିଳେଶ ଯାଦବ ସହଜରେ କରହଲ ଆସନରେ ଜିତି କେନ୍ଦ୍ର ମନ୍ତ୍ରୀ ଏସପି ସିଂ ବାଗେଲଙ୍କୁ ପରାସ୍ତ କରିଥିଲେ। ନିର୍ବାଚନ ଫଳାଫଳରେ ବିଜେପି ସଂଖ୍ୟାଗରିଷ୍ଠତା ହାସଲ କରିଛି, କିନ୍ତୁ ଏସପି ୧୦୦ଟି ଆସନ ଅତିକ୍ରମ କରି ଦ୍ୱିତୀୟ ବୃହତ୍ତମ ଦଳ ହୋଇପାରିଛି।
