ମୁମ୍ବାଇ: ଆସନ୍ତା ଜୁଲାଇ ୨୨ ତାରିଖରେ ଓସ୍କାର ବିଜେତା ଏଆର ରେହମାନଙ୍କ ସମେତ ବହୁ ବଡବଡ କଳାକାର ସ୍ୱର୍ଗତଃ ଅଭିନେତା ସୁଶାନ୍ତ ସିଂହ ରାଜପୁତଙ୍କୁ ମ୍ୟୁଜିକାଲ୍ ଟ୍ରିବ୍ୟୁଟ୍ ଦେବେ ।
ଏନେଇ ଡିଜନୀ-ହଟଷ୍ଟାର ପକ୍ଷରୁ ଟ୍ୱିଟ୍ କରାଯାଇଛି ।
Catch us on 22nd July at 12 p.m. @disneyplushsvip & @sonymusicindia for a musical tribute to our beloved #SushantSinghRajput #DilBechara#AmitabhBhattacharya @_MohitChauhan @shreyaghoshal #ArijitSingh @sashasublime @jonitamusic @hridayg @SunidhiChauhan5 @foxstarhindi pic.twitter.com/Wxgx9rAm8z
— A.R.Rahman (@arrahman) July 20, 2020
ସୁଶାନ୍ତଙ୍କୁ ମ୍ୟୁଜିକାଲ୍ ଟ୍ରିବ୍ୟୁଟ୍ ଦେବା ପାଇଁ ଡିଜନୀ-ହଟଷ୍ଟାର ଓ ସୋଦୀ ମ୍ୟୁଜିକ ଇଣ୍ଡିଆ ମିଳିତ ଭାବେ କାର୍ଯ୍ୟକ୍ରମ ଆରମ୍ଭ କରିଛନ୍ତି ।
ଏହି କାର୍ଯ୍ୟକ୍ରମରେ ଏଆର ରେହମାନଙ୍କ ସମେତ ଶ୍ରେୟା ଘୋଷାଲ୍, ଅରିଜିତ ସିଂହ, ମୋହିତ ଚୌହାନ, ସୁନିଧି ଚୌହାନ, ଶାଶା ତିରୁପତି, ଜୋନିଟା ଓ ହୃଦୟ ଗଟାନୀ ପ୍ରମୁଖ ସାମିଲ ରହିବେ ।
ଏହା ପୂର୍ବରୁ ଗାୟିକା ନେହା କକ୍କଡ ମଧ୍ୟ ସୁଶାନ୍ତଙ୍କ ଫିଲ୍ମ ‘କେଦାର ନାଥ‘ର ଏକ ଗୀତ ଗାଇ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ବଲିଉଡର ଚର୍ଚ୍ଚିତ ତଥା ସଫଳ ଅଭିନେତା ସୁଶାନ୍ତ ସିଂହ ରାଜପୁତ ଗତ ଜୁନ୍ ୧୪ ତାରିଖରେ ମୁମ୍ବାଇର ବାନ୍ଦ୍ରାସ୍ଥିତ ବାସଭବନରେ ଆତ୍ମହତ୍ୟା କରିଥିଲେ । ତାଙ୍କ ମୃତ୍ୟୁକୁ ଆଜି ବି ଫ୍ୟାନ୍ସମାନେ ବିଶ୍ୱାସ କରିପାରୁ ନାହାଁନ୍ତି ।