ବଜାୟ ରହିବ ପାଣି, ବିଦ୍ୟୁତ ରିହାତି: କେଜ୍ରିୱାଲ

ନୂଆଦିଲ୍ଲୀ: ତୃତୀୟ ଥର ପାଇଁ ଦିଲ୍ଲୀ ମୁଖ୍ୟମନ୍ତ୍ରୀ ଭାବେ ରବିବାର ଶପଥ ନେବା ପରେ ଆଜି ଦିଲ୍ଲୀର ଦାୟିତ୍ୱ ନେଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ତାଙ୍କ ସହ ଉପମୁଖ୍ୟମନ୍ତ୍ରୀ ମନୀଷ ସିସୋଦିୟା ଏବଂ ମନ୍ତ୍ରୀ ମଣ୍ଡଳର ଅନ୍ୟ ୫ ଜଣ ସଦସ୍ୟ ମଧ୍ୟ ନିଜ ଦାୟିତ୍ୱଭାର ଗ୍ରହଣ କରିଛନ୍ତି । ଏହା ପରେ ଦିଲ୍ଲୀ ସରକାରଙ୍କ ପ୍ରଥମ କ୍ୟାବିନେଟ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ପାଣି, ଓ ବିଦ୍ୟୁତରେ ଦିଆଯାଇଥିବା ରିହାତିକୁ ବଜାୟ ରଖିବା ପାଇଁ ପ୍ରସ୍ତାବ ଆଗତ ହୋଇଛି । ତେବେ ଏଯାଏଁ ମନ୍ତ୍ରୀଙ୍କୁ କୌଣସି ବିଭାଗ ବଂଟନ ହୋଇନଥିବା ନେଇ ଦିଲ୍ଲୀ ଉପମୁଖ୍ୟମନ୍ତ୍ରୀ ମୀନଷ ସିସୋଦିଆ ସୂଚନା ଦେଇଛନ୍ତି । ସେ କହିଛନ୍ତି ଯେ, ଏହି ନୂଆ ସରକାର ଆସନ୍ତା ୫ ବର୍ଷ ଯାଏଁ ଦିଲ୍ଲୀର ବିକାଶ ଦିଗରେ କାମ କରିବା ନେଇ ପ୍ରତିବଦ୍ଧିତ ରହିଛି ।