ବେଙ୍ଗାଲୁରୁ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କନଭୟ ରୁଟ୍ ରେ ଜିଲେଟିନ୍ ଷ୍ଟିକ୍ ଉଦ୍ଧାର ହେବା ପରେ ତାଙ୍କ ଗସ୍ତ ପୂର୍ବରୁ ବେଙ୍ଗାଲୁରୁରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ଘଟଣାଟି ଆର୍ଟ ଅଫ୍ ଲିଭିଂ ସେଣ୍ଟର ନିକଟ କନକପୁରା ରୋଡ୍ ସ୍ଥିତ କାଗଲିପୁରା ଅଞ୍ଚଳର ଥାଥାଗୁନି ଅଞ୍ଚଳରେ ଘଟିଛି।
ସୂଚନା ପାଇବା ପରେ ପୋଲିସ ଏବଂ ସୁରକ୍ଷା ସଂସ୍ଥାଗୁଡ଼ିକ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ବୋମା ନିଷ୍କ୍ରିୟକାରୀ ଦଳ ଏବଂ ଡଗ ସ୍କ୍ୱାଡ ସେହି ଅଞ୍ଚଳର ଯାଞ୍ଚ କରିବା ସହ ସମଗ୍ର ଅଞ୍ଚଳକୁ ଘେରାବନ୍ଦୀ କରିଥିଲେ।
ଏହି ଘଟଣାରେ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକ ରଖାଯିବା ସହ ତାଙ୍କୁ ପଚରାଉଚରା କରାଯାଉଥିବା ଜଣାପଡ଼ିଛି। ପ୍ରାଥମିକ ତଦନ୍ତରୁ ଏହା ମଧ୍ୟ ଜଣାପଡିଛି ଯେ ଅଭିଯୁକ୍ତ ପୂର୍ବରୁ ଧମକପୂର୍ଣ୍ଣ କଲ୍ କରିଥିଲେ, ଯାହା ତାଙ୍କ ମାନସିକ ସ୍ଥିତି ଉପରେ ପ୍ରଶ୍ନ ଉଠାଇଥିଲା।
ଘଟଣାଟି HAL ବିମାନବନ୍ଦର ଏବଂ ଆର୍ଟ ଅଫ୍ ଲିଭିଂ ସେଣ୍ଟର ନିକଟରେ ସମ୍ଭାବ୍ୟ ବିସ୍ଫୋରଣର ଧମକପୂର୍ଣ୍ଣ ଫୋନ୍ କଲ୍ ମିଳିଥିଲା। ଯଦିଓ HAL ଅଞ୍ଚଳରେ କିଛି ମିଳିନଥିଲା ବେଳେ କନକପୁରା ରୋଡରେ ଜିଲେଟିନ୍ ମିଳିବା ଯୋଗୁଁ ସୁରକ୍ଷା ସଂସ୍ଥାଗୁଡ଼ିକ ସତର୍କ ହୋଇପଡ଼ିଥିଲେ।
ତେବେ ପୋଲିସ ବିସ୍ଫୋରକ ସାମଗ୍ରୀ ସେଠାରେ କିପରି ପହଞ୍ଚିଲା ଏବଂ ଏହା ଏକ ଷଡ଼ଯନ୍ତ୍ରର ଅଂଶ କି କେବଳ ଏକ ବ୍ୟକ୍ତିଗତ କାର୍ଯ୍ୟ। ଏପରିକି ସମ୍ପୂର୍ଣ୍ଣ ବିସ୍ଫୋରକ ଯୋଗାଣ ନେଟୱାର୍କର ମଧ୍ୟ ତଦନ୍ତ କରୁଛି।