ଭୁବନେଶ୍ଵର: ଆଜିକାଲି ପ୍ରତ୍ୟେକ ବ୍ୟକ୍ତି ଟଙ୍କା ରୋଜଗାର କରିବା ପାଇଁ ଦିନସାରା କଠିନ ପରିଶ୍ରମ କରନ୍ତି । କିନ୍ତୁ ଏତେ ପରିଶ୍ରମ କରିବା ପରେ ମଧ୍ୟ ସେମାନେ କାର୍ଯ୍ୟରେ ସଫଳତା ହାସଲ କରନ୍ତି ନାହିଁ । ଏହା ପଛରେ ଅନେକ ଗୁଡିଏ କାରଣ ଥାଏ । ଏପରି ପରିସ୍ଥିତିରେ ଅନେକ ଲୋକ ନିଜ କାମକୁ ବଦଳାଇ ଦିଅନ୍ତି କିମ୍ବା କିଛି ନୂତନ ବ୍ୟବସାୟ ଆରମ୍ଭ କରିଥାନ୍ତି । ବାସ୍ତୁଶାସ୍ତ୍ରରେ, ନୂତନ କାର୍ଯ୍ୟ ଆରମ୍ଭ କରିବା ପାଇଁ ଅନେକ ନିୟମ ଉଲ୍ଲେଖ କରାଯାଇଛି । ଯାହା ଲୋକଙ୍କ ପାଇଁ ଅନେକ ଲାଭଦାୟକ ସାବ୍ୟସ୍ତ ହୋଇଥାଏ । ଯଦି ଆପଣ ମଧ୍ୟ କିଛି ନୂତନ ବ୍ୟବସାୟ ଆରମ୍ଭ କରିବାକୁ ଯୋଜନା କରୁଛନ୍ତି, ତେବେ ଆପଣଙ୍କୁ କିଛି ବାସ୍ତୁ ଶାସ୍ତ୍ରର ନିୟମ ପାଳନ କରିବାକୁ ପଡିବ ।
ବାସ୍ତୁ ଅନୁସାରେ, କୌଣସି ବି ନୂତନ ବ୍ୟବସାୟ ଆରମ୍ଭ କରିବା ପୂର୍ବରୁ ପ୍ରଥମେ ସଠିକ୍ ସ୍ଥାନ ବାଛନ୍ତୁ । ଏପରି ଏକ ସ୍ଥାନ ବାଛନ୍ତୁ ଯାହା ଆପଣଙ୍କ ବ୍ୟବସାୟ ପାଇଁ ଉପଯୁକ୍ତ ଏବଂ ଶୁଭ ହୋଇଥିବ ।
ଶୁଭ ସମୟରେ ନୂତନ କାର୍ଯ୍ୟ ଆରମ୍ଭ କରନ୍ତୁ | ବାସ୍ତୁ ଅନୁଯାୟୀ, ଯଦି ଆପଣ ଏକ ଶୁଭ ସମୟରେ କାମ ଆରମ୍ଭ କରନ୍ତି, ତେବେ ଆପଣଙ୍କୁ ସଫଳତା ମିଳିଥାଏ ।
ଦୋକାନ କିମ୍ବା ଅଫିସରେ ବସିବାର ଦିଗ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ । ଆପଣ ଦୋକାନ କିମ୍ବା ଅଫିସରେ ଦକ୍ଷିଣ-ପଶ୍ଚିମ ଦିଗରେ ବସନ୍ତୁ । କୁହାଯାଏ ଯେ ସଠିକ୍ ଦିଗରେ ବସିବା ଦ୍ୱାରା କାର୍ଯ୍ୟରେ ସଫଳତା ମିଳିଥାଏ ।
ଏହା ବ୍ୟତୀତ ଦୋକାନ କିମ୍ବା ଅଫିସର ଟେବୁଲ ଏବଂ ଚେୟାରର ପରିଷ୍କାର ପରିଚ୍ଛନ୍ନତା ଉପରେ ବିଶେଷ ଧ୍ୟାନ ଦିଅନ୍ତୁ । ବାସ୍ତୁ ଅନୁଯାୟୀ, ଟେବୁଲ ଏବଂ ଚେୟାରରେ ଥିବା ମଇଳା ନକାରାତ୍ମକ ଶକ୍ତିର କାରଣ ହୋଇଥାଏ ।
ଆପଣଙ୍କ ଦୋକାନ କିମ୍ବା ଅଫିସରେ ଏକ ଆକ୍ୱାରିୟମ୍ ନିଶ୍ଚୟ ରଖନ୍ତୁ । କୁହାଯାଏ ଯେ ଆକ୍ୱାରିୟମ୍ ରଖିବା ଦ୍ଵାରା ଅନେକ ସମସ୍ୟାରୁ ମୁକ୍ତି ମିଳିଥାଏ ।
ବାସ୍ତୁ ଶାସ୍ତ୍ର ଅନୁଯାୟୀ, ଦୋକାନ କିମ୍ବା ଅଫିସରେ ଧଳା, କ୍ରିମ୍ କିମ୍ବା ହାଲୁକା ରଙ୍ଗ ବ୍ୟବହାର କରନ୍ତୁ । ଏହି ରଙ୍ଗରୁ ସକରାତ୍ମକତା ଶକ୍ତି ପ୍ରବାହିତ ହୁଏ । ବ୍ୟବସାୟରେ ସଫଳତା ହାସଲ କରିବାରେ ଏହି ରଙ୍ଗଗୁଡିକ ଲାଭଦାୟକ ବୋଲି ବିବେଚନା କରାଯାଏ |