ମୁମ୍ବାଇ: ବିଗ୍ ବସ୍ ଓଟିଟି-୨ ପ୍ରସାରିତ ହେବାର ୧୨ ଦିନ ବିତିଲାଣି। ଏହି ସୋ’ରେ ଅନେକ ପ୍ରତିଯୋଗୀଙ୍କ ମଧ୍ୟରେ ତର୍କ ବିତର୍କ ହେଉଥିବା ଦେଖିବାକୁ ମିଳିଛି। ସୋ’ର ଏକ ଲାଇଭ୍ ଫିଡ୍ ଷ୍ଟ୍ରିମିଂ ମଧ୍ୟ ଅଛି, ଯେଉଁଠାରେ ଦର୍ଶକମାନେ ପ୍ରତିଯୋଗୀମାନଙ୍କୁ ସବୁବେଳେ ଲାଇଭ୍ ଦେଖୁଛନ୍ତି। ସଲମାନ ଖାନଙ୍କ ଦ୍ୱାରା ଆୟୋଜିତ ବିଗ୍ ବସ୍ ଓଟିଟି-୨ ର ଘର ଭିତରେ ବର୍ତ୍ତମାନ ପ୍ରାୟ ୧୦ ଜଣ ପ୍ରତିଯୋଗୀ ଅଛନ୍ତି। ନିକଟରେ ଜାଦ୍ ହଦିଦ୍ଙ୍କ ଏକ ଭିଡିଓ ସୋସିଆଲ ମିଡିଆରେ ଦୃତଗତିରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଜାଦ୍ ହଦିଦ ତାଙ୍କ ପ୍ୟାଣ୍ଟ ଖୋଲୁଥିବାର ଦୃଶ୍ୟ ରହିଛି। ଯାହାକୁ ନେଇ ସୋସିଆଲ ମିଡିଆରେ ଜୋରଦାର ଆଲୋଚନା ଜାରି ରହିଛି।
#WeekendKaVaar #JadHadid crossed all the lines showing his B*M to #BebikaDhurve in a argument.. the true disgusting personality of #JadHadid now is shown 🤮#SalmanKhan #AbhishekMalhan #BBOTT2LiveFeed #bbott2 #BiggBossOTT2 pic.twitter.com/ybY92Jqn5l
— Tweetishbird (@tweetishbird) July 1, 2023
ଆଜିକାଲି ‘ବିଗ୍ ବସ୍’ର ଜାଦ୍ ହଦିଦ୍ ବହୁ ଚର୍ଚ୍ଚାରେ ଅଛନ୍ତି। ଶେଷ ଏପିସୋଡରେ, ଜାଦ୍ ହଦିଦ୍ ଆକାଂକ୍ଷା ପୁରୀଙ୍କୁ ଫ୍ରେଞ୍ଚ୍ କିସ୍ ଦେଇଥିଲେ, ଯେଉଁଥିପାଇଁ ଲୋକମାନେ ତାଙ୍କୁ ବହୁତ ଟ୍ରୋଲ କରିଥିଲେ। ଏବେ ଜାଦ୍ ହଦିଦ୍ ପୁଣିଥରେ ଚର୍ଚ୍ଚାର ବିଷୟ ପାଲଟିଛନ୍ତି। ସମ୍ପ୍ରତି ଏପିସୋଡରେ ବେବିକା ଧୁର୍ବେ ଏବଂ ଜାଦ୍ ହଦିଦ୍ ତୀବ୍ର ଯୁକ୍ତିତର୍କ କରିଥିଲେ। ଏହି ବିତର୍କରେ ବେବିକା ଜାଦ୍ଙ୍କୁ କିଛି କଥା କହିଥଲେ, କିନ୍ତୁ ଜାଦ୍ ବେବିକାଙ୍କୁ ସମସ୍ତଙ୍କ ସାମ୍ନାରେ ପ୍ୟାଣ୍ଟ ଖୋଲି ଦେଇଥିଲେ। ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭୟଙ୍କର ଭାବେ ଭାଇରାଲ ହେବାରେ ଲାଗିଛି।
ଏହି ଘଟଣା ପରେ ସଲମାନ ଖାନ ଜାଦ୍ ହଦିଦଙ୍କୁ ଅନେକ କଥା ଶୁଣାଇଥିଲେ ଏବଂ ତାଙ୍କର କ୍ଲାସ ମଧ୍ୟ ନେଇଥିଲେ। ଏହା ପରେ ସେ ଜାଦ୍ଙ୍କୁ କ୍ଷମା ମଧ୍ୟ ମାଗିଥିଲେ। ଅନ୍ୟପଟେ ୧୭ ଦିନ ମଧ୍ୟରେ ବିଗ୍ ବସ୍ ଘରୁ ତିନି ସଦସ୍ୟ ତଥା- ପୁନିତ ସୁପରଷ୍ଟାର, ପଲକ ପୁରସୱାନୀ ଏବଂ ଆଲିଆ ସିଦ୍ଦିକିଙ୍କୁ ବାହାର କରିଦିଆଯାଇଛି। ଜିଆ ଶଙ୍କର, ଅଭିଷେକ ମଲହାନ ଏବଂ ଆକାଂକ୍ଷା ପୁରୀଙ୍କୁ ଘରୁ ବାହାର କରିବା ପାଇଁ ମନୋନୀତ କରାଯାଇଥିଲା। ଖବର ଅନୁଯାୟୀ, ଏହି ସପ୍ତାହରେ ଆକାଂକ୍ଷା ପୁରୀଙ୍କୁ ଘରୁ ବାହାର କରିଦିଆଯିବ।