ନୂଆଦିଲ୍ଲୀ: ଲୋକସଭାରେ ତିନି ତଲାକ୍ ବିଲକୁ ମଞ୍ଜୁରୀ ମିଳିବା ପରେ ମଙ୍ଗଳବାର ଦିନ ଏହା ରାଜ୍ୟସଭାରେ ଆଗତ ହେବାନେଇ ସମ୍ଭାବନା ରହିଛି । ଗୃହରେ କେନ୍ଦ୍ରସରକାର ଆଜି ଏହି ବିଧେୟକ ଆଣିବାକୁ ଯାଉଛନ୍ତି ।
ମିଳିଥିବା ସୂଚନାନୁଯାୟୀ ଏହି ବିଲକୁ ବିଜେଡି ସମର୍ଥନ ଦେଇପାରେ । ଏନେଇ ଦଳର ରାଜ୍ୟସଭା ସାଂସଦ ପ୍ରସନ୍ନ ଆଚାର୍ଯ୍ୟ ଏକ ଜାତୀୟ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି ।
Prasanna Acharya, Biju Janata Dal (BJD) Floor Leader in Rajya Sabha to ANI: BJD will support Triple Talaq Bill in Rajya Sabha. pic.twitter.com/JkPHDxfSLI
— ANI (@ANI) July 30, 2019
ଏଠାରେ ଉଲ୍ଲେଖଯୋଗ୍ୟ ଯେହେତୁ ଲୋକସଭାରେ ବିଜେପି ସରକାରଙ୍କ ସଂଖ୍ୟା ଗରିଷ୍ଠତା ରହିଥିବା ହେତୁ ବିଲଟି ଲୋକସଭାରେ ପାରିତ ହୋଇସାରିଛି । କିନ୍ତୁ ଏହି ବିଲଟି ରାଜ୍ୟସଭାରେ ଆଜି ଆଗତ ହେବାକୁ ଥିବାବେଳେ ସହଯୋଗୀ ଦଳ ଜେଡିୟୁ ମଧ୍ୟ ବିଲ୍ ବିପକ୍ଷରେ ଭୋଟ୍ ଦେବ ବୋଲି ସମ୍ୟକ୍ ସୂଚନା ମିଳିଛି ।
ଏହି ବିଲରେ ଏକକାଳୀନ ଜଣେ ମୁସଲିମ୍ ମହିଳାଙ୍କୁ ସ୍ୱାମୀ ଜଣକ ୩ଥର ତଲାକ କହି ଛାଡପତ୍ର ଦେବାକୁ ଏକ ଅପରାଧ ବୋଲି କୁହାଯାଉଛି । ବିଲରେ ଦୋଷୀଙ୍କୁ ୩ବର୍ଷ ଯାଏଁ ଦଣ୍ଡ ଦେବାର ବ୍ୟବସ୍ଥା ରହିଛି ।