କଳାହାଣ୍ଡି: ଭବାନୀପାଟଣାରେ ବିଜେପି ଜାତୀୟ ଅଧ୍ୟକ୍ଷ ଜେପି ନଡ୍ଡା । ଓଡ଼ିଶା ଗସ୍ତରେ ଆସି ବିଜେପି ଜାତୀୟ ଅଧ୍ୟକ୍ଷ ନଡ୍ଡା ଭବାନୀପାଟଣାରେ ପହଞ୍ଚିଛନ୍ତି । ସ୍ୱତନ୍ତ୍ର ହେଲିକପ୍ଟରରେ ବୁର୍ଲା ଏମସିଏଲ ଗେଷ୍ଟ ହାଉସରୁ ବାହାରି ପହଞ୍ଚିଥିଲେ ଭବାନୀପାଟଣା ବିଶ୍ୱବିଦ୍ୟାଳୟ ପଡିଆରେ । ସେଠାରେ ପହଞ୍ଚିବା ପରେ ତାଙ୍କୁ ବିପୁଳ ସମ୍ବର୍ଦ୍ଧନା ଦିଆଯାଇଥିଲା । ସେଠାରୁ ସେ ଯାଇ ମା’ ମାଣିକେଶ୍ୱରୀଙ୍କ ଦର୍ଶନ କରିଥିଲେ ।
ପରେ ଲାଲବାହାଦୁର ଶାସ୍ତ୍ରୀ ଷ୍ଟାଡିୟମରେ ମୋଦୀ ସରକାରଙ୍କ ୯ ବର୍ଷ ପୂର୍ତ୍ତି ଅବସରରେ ଅନୁଷ୍ଠିତ ମହାଜନ ସଂପର୍କ ସମାବେଶରେ ସାମିଲ ହୋଇଥିଲେ । ଜୟ ଜଗନ୍ନାଥରୁ ନିଜର ଅଭିଭାଷଣ ଆରମ୍ଭ କରିଥିଲେ ନଡ୍ଡା । ଜନସଭାକୁ ଉଦବୋଧନ ନବୀନ ସରକାରଙ୍କୁ ସମାଲୋଚନା କରିଥିବାବେଳେ ବିଜେପି ସରକାରର ୯ ବର୍ଷର ସଫଳତାର ହିସାବ ଦଇଥିଲେ ।
ନଡ୍ଡା କହିଥିଲେ, ଓଡ଼ିଶାରେ ୨୩ ବର୍ଷ ହେଲା ନବୀନ ସରକାର ଚାଲିଛି । ହେଲେ ଓଡ଼ିଶା ସବୁଠାରୁ ପଛୁଆ, ଗରିବ ରାଜ୍ୟ ଭାବେ ପରିଚିତ ହେଉଛି । ମୁଣ୍ଡପିଛା ଆୟରେ ଓଡ଼ିଶା ତଳେ । ନାରୀ ନିର୍ଯାତନାରେ ଉପରେ । ଓଡ଼ିଶାର ୩.୫ କୋଟି ଲୋକଙ୍କୁ ମୋଦି ରାସନ ଦେଉଛନ୍ତି । ଅନ୍ୟପକ୍ଷେ ପ୍ରଧାନମନ୍ତ୍ରୀ ଆବାସ ଯୋଜନାରେ ହିତାଧିକାରୀଙ୍କୁ ଘର ମିଳୁନି । ଯେଉଁମାନେ ପ୍ରକୃତ ହିତାଧିକାରୀ ସେମାନେ ଘର ପାଉନାହାନ୍ତି । କିନ୍ତୁ ଅନ୍ୟମାନେ ପାଉଛନ୍ତି । ଏ ନେଇ ସେ କେନ୍ଦ୍ରମନ୍ତ୍ରୀଙ୍କୁ କହିବେ ବୋଲି ପ୍ରତିଶ୍ରୁତି ଦେଇଥିଲେ । ଏଥିସହ ଏପରି ଦୁର୍ନୀତିର ତଦନ୍ତ କରାଯିବଏବଂ ଯିଏ ଦୋଷୀ, ତାକୁ ଜେଲ୍ ପଠାଯିବ ବୋଲି ନଡ୍ଡା କହିଥିଲେ ।
ବିଜେପି ସରକାରକୁ କଡା ସମାଲୋଚନ କରି ନଡ୍ଡା ବିଜେଡିର ୨୩ ବର୍ଷର ଅପାଗତାର ଗୋଟିଏ ଗୋଟିଏ କାହାଣୀ ଶୁଣାଇଥିଲେ । ନଡ୍ଡା କହିଥିଲେ, ଓଡ଼ିଶାର ୧୧ କୋଟି ଲୋକଙ୍କୁ ଆୟୁଷ୍ମାନ ଯୋଜନା ସୁଫଳ ମିଳିଛି ।ହେଲେ ଏଠାରେ କିନ୍ତୁ ନବୀନ ବାବୁ ଏହାକୁ ଲାଗୁ କରୁନାହାନ୍ତି । ବିଜେଡି ସରକାର ଓଡ଼ିଶା ଲୋକଙ୍କୁ ଆୟୁଷ୍ମାନ ଭାରତ ଯୋଜନାରୁ ବଞ୍ଚିତ କରିଛି ବୋଲି ଅଭିଯୋଗ ଆଣିଥିଲେ ନଡ୍ଡା ।
୫ଟିକୁ ସମାଲୋଚନ କରି ଓଡ଼ିଶା କିଏ ଚଲାଉଛି ବୋଲି ପ୍ରଶ୍ନ କରିଥିଲେ ନଡ୍ଡା । ନେତା ନା ଅଫିସର ? ଏଠାରେ ଲୋକେ ଗଣାତନ୍ତ୍ରିକ ଉପାୟରେ ନେତା ବାଛିବେ । କିନ୍ତୁ ଅଫିସର ଶାସନ ଚଳାଇବେ ବୋଲି କହି କଡା ଭାଷାରେ ନବୀନ ସରକାରଙ୍କୁ ସମାଲୋଚନା କରିଥିଲେ ନଡ୍ଡା ।