ଭୁବନେଶ୍ୱର:ନବୀନ ନିବାସରେ ପାଣ୍ଡିଆନଙ୍କୁ ସ୍ୱାଗତ କରିବା ପାଇଁ ସରକାରୀ କର୍ମଚାରୀ ଭିଡ ଜମାଇଥିବା ଘଟଣାକୁ କଡା ଭାଷାରେ ସମାଲୋଚନା କରିଛନ୍ତି ସାଂସଦ ଅପରାଜିତା ଷଡଙ୍ଗୀ । ଆଇଏଏସ ପଦବୀରୁ ସ୍ୱେଚ୍ଛାକୃତ ଅବସର ନେବାର ମାତ୍ର କେଇ ଘଣ୍ଟା ପରେ ପାଣ୍ଡିଆନଙ୍କୁ ମିଳିଛି କ୍ୟାବିନେଟ ରାଙ୍କ ପାହ୍ୟା । ଏହି ତମାମ ଘଟଣାକୁ ଏକ ପରିହାସ ବୋଲି କହିବା ସହ ପୂର୍ବତନ ସଚିବଙ୍କର ଏହା ଓଡିଶା ରାଜନୀତିରେ ସପ୍ଟ ଲାଣ୍ଡିଂ ବୋଲି କହିଛନ୍ତି ।
ମିଡିଆକୁ ବାର୍ତ୍ତା ଦେଇ ଅପରାଜିତା କହିଛନ୍ତି, ‘ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସମ୍ମାନ ଦିଏ । ହେଲେ ୨୩ ବର୍ଷର ଶାସନ ଭିତରେ ଓଡ଼ିଶାରେ ସରକାରୀ ଶାସନ ବ୍ୟବସ୍ଥାକୁ ଏକ ପରିହାସ କରି ରଖିଦେଇଛନ୍ତି । ଜଣେ ଆଇଏଏସ ଅଫିସର ଭାବେ ଗାଇଡଲାଇନ ଉପରକୁ ଉଠି କାମ କରିଥିଲେ ଯାହାକୁ ନେଇ ଖାଲି ନେତା ନୁହେଁ ଜନତା ବି ସମାଲୋଚନା କରିଥିଲେ । ହେଲେ ତାଙ୍କୁ ଭିଆରଏସ ନେବାକୁ ବାଧ୍ୟ କରାଗଲା ।
ସାଂସଦ ଆହୁରି କହିଛନ୍ତି, ମୁଖ୍ୟମନ୍ତ୍ରୀ ଏବଂ ପାଣ୍ଡିଆନ ଭଲଭାବେ ଜାଣିଛନ୍ତି, ନିର୍ବାଚନ ଆୟୋଗ ପଦବୀରେ ରହି ରାଜନୀତିରେ ସାମିଲ ହେବା କାରଣକୁ ନେଇ ନିର୍ବାଚନ ପୂର୍ବରୁ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବେ । ସେଥିପାଇଁ କାର୍ଯ୍ୟାନୁଷ୍ଠାନରୁ ବଞ୍ଚିବା ପାଇଁ ସେ ଇସ୍ତଫା ଦେଇଛନ୍ତି ବୋଲି କହିଛନ୍ତି ସାଂସଦ ଅପରାଜିତା ।
ଯାହା ବି ହେଉ, ଇସ୍ତଫା ପରେ ପାଣ୍ଡିଆନଙ୍କ କ୍ୟାବିନେଟ ପାହ୍ୟା ମିଳିବା ଏକ ହାସ୍ୟାସ୍ପଦ ଘଟଣା । ସେ ନିଜକୁ ନିଜେ ଏହି ଚାକିରୀ ଦେଇଛନ୍ତି ଯାହା ସେ ଚାହୁଁଥିଲେ । ଏହାକୁ କହନ୍ତି ରାଜନୀତିରେ ସପ୍ଟ ଲାଣ୍ଡିଂ । ଏହି ନିଯୁକ୍ତି ପରେ ଏହା ପ୍ରମାଣିତ ହୋଇଗଲା ଯେ, ସେ ରାଜ୍ୟର ପୁରା ଶାସନକୁ ନିଜ କବ୍ଜାକୁ ନେଇଗଲେ ।
ସାଂସଦ ଅପରାଜିତା ଆହୁରି କହିଛନ୍ତି, ବିଜେଡିର ନେତା ଏବଂ କାର୍ଯ୍ୟକର୍ତ୍ତାଙ୍କ ପାଇଁ ସେ ଖୁବ ଦୁଃଖିତ । ଏତେ ବର୍ଷ ଧରି ସେମାନେ ଦଳ ପାଇଁ ଖଟିଲେ । ଏପରି ସ୍ୱ ନିଯୁକ୍ତି ଦ୍ୱାରା ସେମାନଙ୍କ ପ୍ରତି ବହୁତ ବଡ ଅନ୍ୟାୟ ହୋଇଛି ବୋଲି କହିଛନ୍ତି ବିଜେପି ସାଂସଦ ।
Comments are closed.