ଭଦ୍ରକ: ଚେକିଂ ବେଳେ ଧରା ପଡ଼ିଲେ ବ୍ରାଉନସୁଗର ବେପାରୀ । ମହିଳାଙ୍କ ସମେତ ୪ ଜଣଙ୍କୁ ବାନ୍ଧିଛି ଭଦ୍ରକ ପୋଲିସ । ଅଟୋରେ ବ୍ରାଉନସୁଗାର ଚାଲାଣ ବେଳେ ଚରମ୍ପା ଛକରେ ଯାଞ୍ଚ ବେଳେ ଧରାପଡ଼ିଥିଲା । ଅଭିଯୁକ୍ତଙ୍କୁ ପାଖରୁ ୧କିଲୋ ୯୦ ଗ୍ରାମ୍ ବ୍ରାଉନସୁଗର ଜବତ ହୋଇଛି । ଯାହାର ଦାମ୍ କୋଟିଏ ଟଙ୍କା ହେବ । ନଗଦ ୧ ଲକ୍ଷ ଟଙ୍କା ବି ଜବତ କରିଛି ପୋଲିସ । ସଂପୃକ୍ତ ଅଟୋ ଓ ମୋବାଇଲ୍ ଫୋନ୍ ବି ଜବତ ହୋଇଛି ।
ଗିରଫ ଅଭିଯୁକ୍ତମାନେ ହେଲେ ବାଲେଶ୍ୱର ଜିଲ୍ଲା ଅବଦୁଲ ହମିଦ ଓ ମନୋଜ କୁମାର ଦାସ ଏବଂ ଭଦ୍ରକ ଜିଲ୍ଲାର କୁନିଲତା ଷଡଙ୍ଗୀ ଓ ଅଜୟ କୁମାର ଷଡଙ୍ଗୀ । ବାଲେଶ୍ୱର ଜିଲ୍ଲା ଜଳେଶ୍ୱର ଅଞ୍ଚଳର ଜଣେ ବେପାରୀଙ୍କଠାରୁ ଏମାନେ ବ୍ରାଉନସୁଗର ଆଣିଥିଲେ । କୁନିଲତା, ମନୋଦ ଓ ଅଜୟ ଏହି ବ୍ରାଉନସୁଗର ଆଣୁଥିଲେ ।
During Checking Bhadrak(R) Police intercepted An Auto, Apprehended 04 Person Including One Lady, Seized by 1 Kg 90 Gms Brown Sugar & Rs 1 Lac From their Possession. A Case has been registered and Accused has been forwarded to Hon’ble Court. Further Investigation Continues. pic.twitter.com/b0TKnL6Ocr
— Bhadrak Police (@SpBhadrak) July 17, 2021
ଏମାନଙ୍କ ସହ ଅନ୍ୟତମ ଅଭିଯୁକ୍ତ ଅବଦୁଲ ହମିଦ ହାତରେ କିଛି ବ୍ରାଉନସୁଗର ଭଦ୍ରକକୁ ପଠାଉଥିଲା ଜଳେଶ୍ୱର ଅଞ୍ଚଳର ବେପାରୀ । ଅବଦୁଲ ହମିଦ ହେଉଛି ଜଳେଶ୍ୱର ଅଞ୍ଚଳର ପୋଖତ ବ୍ରାଉନସୁଗର ବେପାରୀ ଚାଚିର ଭାଇ ଓ ମୋଷ୍ଟ ଓ୍ୱାଣ୍ଟେଡ୍ ମାଫିଆ ଅସଗରର ଶ୍ୱଶୂର । ସମସ୍ତଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ଅଧିକ ଖୋଳତାଡ ଜାରି ରଖିଛି ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ।