ଦେଶ ବିରୋଧୀ ମନ୍ତବ୍ୟ ଦେଇ ଅଡୁଆରେ ଅଭିନେତ୍ରୀ ସ୍ୱରା ଭାସ୍କର

ମୁମ୍ବାଇ: ଅଡୁଆରେ ବଲିଉଡ ଅଭିନେତ୍ରୀ ସ୍ୱରା ଭାସ୍କର । ଦେଶ ବିରୋଧୀ ମନ୍ତବ୍ୟ ଦେଇ ତାଙ୍କୁ ହଟହଟା ହେବାକୁ ପଡିଛି । ଲୋକଙ୍କୁ ଧର୍ମାନ୍ତିକରଣ କରିବା ନେଇ ତାଙ୍କ ନାଁରେ ଅଭିଯୋଗ ହୋଇଛି । ଏନେଇ କାନପୁର କୋର୍ଟରେ ସ୍ୱରା ଭାସ୍କରଙ୍କ ନାଁରେ ଏକ ପିଟିସନ ଦାଖଲ ହୋଇଛି ।
ଆବେଦନକାରୀ ବିଜୟ ବକ୍ସି, ସ୍ୱରା ଭାସ୍କରଙ୍କ ବିରୋଧରେ ବିଦ୍ୱେଶ ସୃଷ୍ଟି କରାଇବା, ଜାତି, ଧର୍ମ ଏବଂ ସମୁଦାୟକୁ ବିଭକ୍ତି କରିବା ସହ ଅବିଶ୍ୱାସ ଜନ୍ମାଇବା ଅଭିଯୋଗ କରିଛନ୍ତି । ଏହି ଆବେଦନର ଶୁଣାଣି ଆସନ୍ତା ମାର୍ଚ୍ଚ ୩୦ ତାରିଖରେ ହେବ ।
ତାଙ୍କ କହିବା ଅନୁସାରେ, ସ୍ୱରା ଭାସ୍କର ଜଣେ ଅଭିନେତ୍ରୀ ସହ ଜଣେ ପ୍ରସିଦ୍ଧ ବ୍ୟକ୍ତିତ୍ୱ ମଧ୍ୟ । ସେ ନିଜ ଭାଷଣ ଏବଂ ଟ୍ୱିଟ୍ ମାଧ୍ୟମରେ ବେଳେ ବେଳେ ଭାରତ ସରକାର, ସୁପ୍ରିମକୋର୍ଟ ସୁରକ୍ଷା ସଂସ୍ଥା ବିରୋଧରେ ଟିପ୍ପଣୀ ଦେଉଛନ୍ତି । ଯାହା ସମାଜରେ ଭେଦଭାବ ସୃଷ୍ଟି କରୁଛି । ଏହାଦ୍ୱାରା ଦେଶର ଚିତ୍ର ଖରାପ ହେଉଛି ବୋଲି ସେ କହିଛନ୍ତି ।