ସଙ୍ଗୀତ : ଶାନ୍ତନୁ ମହାପାତ୍ର
ଗୀତ : ଗୁରୁକୃଷ୍ଣ ଗୋସ୍ୱାମୀ
ଗାୟନ : ପ୍ରଣବ ପଟ୍ଟନାୟକ
ଚଳଚ୍ଚିତ୍ର : ସୂର୍ଯ୍ୟମୂଖୀ, ୧୯୬୩
ଅନ୍ତରେ କାନ୍ଦେ ବାହାରେ ହସେ
ଅନ୍ତରେ କାନ୍ଦେ ବାହାରେ ହସେ ମୁଁ
ଏହି ମୋର ପରିଚୟ
ମରି ସାରିଛି ମୁଁ ତେବେ ବି କରୁଛି ବଞ୍ଚିବା ଅଭିନୟ
ଏହି ମୋର ପରିଚୟ
ମାଟିର ଦେହରୁ ପ୍ରାଣ ଚାଲିଗଲେ ସିଏ ତ ମରଣ ନୁହେଁ
ଏ ମଣିଷର ମରେ
ଜୀବନରୁ ଯେବେ
ନୂତନତା ଚାଲିଯାଏ
ବାକି ରହିଯାଏ ଜୀବନର ବୋଝ ଯାହା ଅତି ଦୁରୁବହ
ମୋର ଏହି ଜନ୍ମେ ଭାଗ୍ୟ ମୋ ପାଇଁ ଅଦିନ ଝଞ୍ଜା ହୋଇ
ଅଧରରୁ ହସ ଆଖିରୁ ସପନ
ଗଲା ତ ଉଡ଼ାଇ ନେଇ
କରିଦେଇ ଗଲା
ଦୁନିଆରେ ମୋତେ
ଚିରଦିନ ଅସହାୟ
ଏହି ମୋର ପରିଚୟ
ମରି ସାରିଛି ମୁଁ
ତେବେ ବି କରୁଛି ବଞ୍ଚିବା ଅଭିନୟ
ଏହି ମୋର ପରିଚୟ
ସୂର୍ଯ୍ୟ ଦେଓଙ୍କ ଓଡ଼ିଆ ସିନେମା ଗୀତ ୧୯୩୬-୬୯ ବହିରୁ
ନିଜ ମନ ପସନ୍ଦର ଗୀତ ପାଇଁ ନିମ୍ନ ଆଇଡିରେ ମେଲ କରନ୍ତୁ।
( editorodishasambad@gmail.com )