ଗାୟନ : ପ୍ରଫୁଲ୍ଲ କୁମାର ସିଂହଦେଓ
ଗୀତ : କବିଚନ୍ଦ୍ର କାଳୀଚରଣ ପଟ୍ଟନାୟକ
ଚଳଚ୍ଚିତ୍ର : ରୋଲସ୍ ଟୁ ଏଇଟ୍, ୧୯୫୦
ବନଫୁଲ ବନେ
ବନଫୁଲ ବନେ ଝାଉଁଳିଲା
ବନଫୁଲ ବନେ ଝାଉଁଳିଲା
ଦଗାଦିଆ ଭଅଁର ସେ
ଦୂର ଦେଖା ଦେଲାରେ
ଦଗାଦିଆ ଭଅଁର ସେ
ଦୂର ଦେଖା ଦେଲାରେ
ସଞ୍ଜ ଗଡ଼ି ରାତି ହେଲା
ଫୁକିଆ ଉଇଁଲା
ଆଜି ଗଲା କାଲି ହେଲା
ଆଜି ପୁଣି ଗଲା ତ ସେ କାଲି ନାହିଲା
ଧନ! ମନ ମଉଳିଲାରେ
ବନଫୁଲ ବନେ ଝାଉଁଳିଲା
ବଉଳ ବାସିଲା
ଚୋରା ମଳୟ ବହିଲା
କୋଇଲି ଡାକିଲା
ଋତୁ ବସନ୍ତ ବିତିଲାରେ
ମନ ମନେ ମଲା
ଧନ ମୁଖ ଲୁଚାଇଲାରେ
ବନଫୁଲ ବନେ ଝାଉଁଳିଲା
ଧାରା ବରଷା ଗହଳେ
ଡାହୁକ ରଟିଲା
ଚଡ଼କ ଖୋଜି ବିଜୁଳି ଆସି
ହାରିଗଲାରେ
ସେ କି ନ ଆସିଲା
ଧନ ମନୁ ପାସୋରିଲାରେ
ବନଫୁଲ ବନେ ଝାଉଁଳିଲା
ଚାହୁଁ ଚାହୁଁ ଶୀତ ଆସି କୁହୁଡ଼ି ହଟିଲା
ଆଖି ଆଗେ ବିଷମେଘ
ପରଳ ଘେରିଲାରେ
ଭେଖ ଦୂର ହେଲା
ଧନ ମନୁ ପାଶୋରିଲାରେ
ବନଫୁଲ ବନେ ଝାଉଁଳିଲା
ଆଜି ଗଲା କାଲି ହେଲା
ଆଜି ପୁଣି ଗଲା ତ ସେ କାଲି ନାହିଲା
ଧନ! ମନ ମଉଳିଲାରେ
ବନଫୁଲ ବନେ ଝାଉଁଳିଲା
ସୂର୍ଯ୍ୟ ଦେଓଙ୍କ ଓଡ଼ିଆ ସିନେମା ଗୀତ ୧୯୩୬-୬୯ ବହିରୁ
ନିଜ ମନ ପସନ୍ଦର ଗୀତ ପାଇଁ ନିମ୍ନ ଆଇଡିରେ ମେଲ କରନ୍ତୁ।
( editorodishasambad@gmail.com )
