ନୂଆଦିଲ୍ଲୀ: ଦେଶର ବିଭିନ୍ନ ରାଜ୍ୟରେ କରୋନା ନିୟମ ହଟାଯାଉଥିବା ବେଳେ ପୁଣିଥରେ ଏକ ଚିନ୍ତାଜନକ ସ୍ଥିତି ଆସିଛି । ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ପୁଣି ଥରେ ବଢ଼ିପାରେ ଲାଗିଛି। ଗୁରୁବାର ସ୍ୱାସ୍ଥ୍ୟ ବିଭାଗ ପକ୍ଷରୁ ପ୍ରକାଶିତ ରିପୋର୍ଟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୩୨୫ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି।
ତେବେ କୌଣସି କରୋନା ରୋଗୀଙ୍କର ମୃତ୍ୟୁ ଘଟିନି। ଏବେ ରାଜଧାନୀକେ କରୋନା ସଂକ୍ରମଣ ହାର ୨.୩୯% ରେ ପହଞ୍ଚିଛି। ଏହା ସହିତ, ସଂକ୍ରମିତଙ୍କ ସଂଖ୍ୟା ଏବେ ୯୧୫ କୁ ବୃଦ୍ଧି ପାଇଛି। ଗତ ୨୪ ଘଣ୍ଟା ମଧ୍ୟରେ ୨୨୪ ଆକ୍ରାନ୍ତ ଆରୋଗ୍ୟ ହୋଇଛନ୍ତି। ଆଜି ୧୩୫୭୬ ଜଣ କରୋନା ପରୀକ୍ଷା କରିଛନ୍ତି। ଏଥିମଧ୍ୟରୁ ଚିହ୍ନଟ ହୋଇଛନ୍ତି ୩୨୫ ଆକ୍ରାନ୍ତ । ଆକ୍ରାନ୍ତଙ୍କ ମଧ୍ୟରୁ ୫୭୪ ଏବେ ଘରେ କ୍ୱାରେଣ୍ଟାଇନରେ ଅଛନ୍ତି। ଦିନ ଗଡିବା ସହିତ ସଂକ୍ରମିତଙ୍କ ସଂଖ୍ୟା ବଢୁଥିବାରୁ ଏହା ଚିନ୍ତାଜନକ ପାଲଟିଛି।
ବୁଧବାର ଦିଲ୍ଲୀରେ ୨୯୯ ନୂଆ ଆକ୍ରାନ୍ତ ଚିହ୍ନଟ ହୋଇଥିଲେ। ଏହାପୂର୍ବରୁ ୨୦୨ ରୋଗୀ ସକ୍ରିୟ ଥିଲେ। ତୃତୀୟ ଲହରର ସମ୍ମୁଖୀନ ହେବା ପରେ ମଧ୍ୟ ଦିଲ୍ଲୀବାସୀଙ୍କ ବିପଦ ଏପର୍ୟ୍ୟନ୍ତ ଶେଷ ହୋଇନି। ଏବେ ସହରରେ କଣ୍ଟେଣ୍ଟମେଣ୍ଟ ଜୋନ୍ ସଂଖ୍ୟା ୭୧୬ କୁ ବୃଦ୍ଧି ପାଇଛି। ଚଳିତ ବର୍ଷ ଜାନୁଆରୀ ୧୪ ରେ ଦିଲ୍ଲୀରେ ସଂକ୍ରମଣ ହାର ୩୦.୬ ପ୍ରତିଶତରେ ରେକର୍ଡ ହୋଇଥିଲା। ଯାହାକି ଚଳିତବର୍ଷ ସର୍ବାଧିକ ଥିଲା।
