ଭୁବନେଶ୍ୱର: ମହାମାରୀ କରୋନା କୌଣସି କ୍ରିକେଟ ମ୍ୟାଚ୍ ନୁହେଁ । ଦିନିକିଆ, ଆଇପିଏଲ୍ କିମ୍ବା ଟ୍ୱେଣ୍ଟି-ଟ୍ୱେଣ୍ଟି ମ୍ୟାଚ୍ ନୁହେଁ କୋଭିଡ-୧୯ । ଏହା ଏକ ଲମ୍ବା ଲଢେ଼ଇ । ରାଜ୍ୟ ସରକାରଙ୍କ ପକ୍ଷରୁ କରୋନା ସ୍ଥିତି ବାବଦରେ ସୂଚନା ଦେବା ବେଳେ ଏଭଳି ମତ ରଖିଛନ୍ତି ମୁଖ୍ୟ ମୁଖପାତ୍ର ସୁବ୍ରୋତ ବାଗଚୀ ।
ସେ କହିଛନ୍ତି, କ୍ରିକେଟ ମ୍ୟାଚରେ ଆମେ ପ୍ରତି ବଲ୍ର ହିସାବ ଖୋଜିଥାଉ । କେଉଁ ବଲ୍ଟି କେତେ ଗତିରେ ଆସିଲା, ବ୍ୟାଟସ୍ ମ୍ୟାନ୍ ତାକୁ କେମିତି ଦେଖିଲା ଏବଂ କେମିତି ଖେଳିଳା । ପ୍ରତି ବଲ୍ର ସମୀକ୍ଷା କରାଯାଇଥାଏ । ବ୍ୟାଟ୍ସ ମ୍ୟାନ୍ର ପ୍ରତି ଶଟ୍ ଏବଂ ଆକ୍ସନକୁ ରିପ୍ଲେରେ ଦେଖାଯାଇଥାଏ । ତେବେ ଏଥିରେ ମଧ୍ୟ ଦର୍ଶକଙ୍କ ମନ ପୂରି ନଥାଏ । କୋଭିଡ-୧୯ କିନ୍ତୁ ଏହି ମ୍ୟାଚ୍ ଭଳି ନୁହଁ । ରାଜ୍ୟରେ ଏଯାଏଁ ୪୪ ଜଣ ପଜିଟିଭ ଚିହ୍ନଟ ହୋଇଛନ୍ତି । ପ୍ରତିଟି ପଜିଟିଭ କେସର ବିବରଣୀ ଏବଂ ପୁନରାବୃତ୍ତି, ସମୀକ୍ଷା ସମ୍ଭବ ନାହିଁ ।
ଯଦି ଆକ୍ରାନ୍ତଙ୍କ ସଂଖ୍ୟା ୪୪୪ ହୁଏ ତେବେ ସବୁ ଘଟଣାରେ ସବୁ ତଥ୍ୟ ଦିଆଯିବା ଅସମ୍ଭବ । କ୍ରିକେଟ ନୁହେଁ ଏହା କୋଭିଡର ଖେଳ ବୋଲି ବାଗଚୀ କହିଛନ୍ତି ।
Comments are closed.