ପୁରୀ: ଏବେ ପୁରୀ ସହରରେ ପୁଣି ଦେଖାଦେଇଛି କରୋନା ଆତଙ୍କ । ପୁରୀ ଜିଲ୍ଲାରେ ଦୀର୍ଘ ୩୭ ଦିନ ପରେ ପୁଣି ଥରେ ଫେରିଛି କରୋନା । ପୁରୀସହରରୁ ରବିବାର ସନ୍ଧ୍ୟାରେ ୨ ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ଜିଲା ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।![]()
ମିଳିଥିବା ସୂଚନାନୁଯାୟୀ, ସମୁଦ୍ରକୂଳ ରେଣୁକା ଗଳି ମହାଦେବ ଲେନରୁ ପଶ୍ଚିମବଙ୍ଗ ଫେରନ୍ତା ଦୁଇଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଦୁଇ ଜଣଙ୍କ ବୟସ ଯଥାକ୍ରମେ ୫୮ ଓ ୧୯ ବର୍ଷ ।
ଅଧିକ ପଢନ୍ତୁ- କରୋନା ଅପଡେଟ: ଓଡିଶା, ଭାରତ ସମେତ ବିଶ୍ୱର ତାଜା ସ୍ଥିତି
ଆକ୍ରାନ୍ତ ଦ୍ୱୟ ୫ ତାରିଖଦିନ କାର ଯୋଗେ ପଶ୍ଚିମବଙ୍ଗରୁ ପୁରୀ ଆସି ସମୁଦ୍ର କୂଳ ରେଣୁକା ଲେନର ଏକ ହୋଟେଲରେ ରହିଥିଲେ ।
Collector and DM Puri visited Temporary medical Camps( TMCs) to review the preparedness and facilities at various TMCs in the Puri Municipality area.
EO Municipality and City DSP along with other officers also joined.@CMO_Odisha @IPR_Odisha @HFWOdisha @HUDDeptOdisha pic.twitter.com/gA9JHDC3IK
— PuriOfficial (@Puri_Official) May 10, 2020
୭ ତାରିଖ ଦିନ କରୋନା ଟେଷ୍ଟ ପାଇଁ ତାଙ୍କ ସ୍ୱାବ ନମୁନା ଯାଇଥିଲା । ୧୦ ତାରିଖ ଦିନ ରିପୋର୍ଟ ପଜେଟିଭ ଆସିଥିଲା ।
ଅଧିକ ପଢନ୍ତୁ – ରାଜ୍ୟ ପାଇଁ ଖୁସିର ଖବର; ସୁସ୍ଥହେଲେ ୧୭ କରୋନା ଆକ୍ରାନ୍ତ !
ଆକ୍ରାନ୍ତ ରହୁଥିବା ସମୂଦ୍ର କୂଳ ରେଣୁକା ଲେନ୍ ଏବଂ ଆଖପାଖ ଅଞ୍ଚଳକୁ ସୋମବାର ଦିନ ଅଗ୍ନିଶମ ବିଭାଗ ପକ୍ଷରୁ ସାନିଟାଇଜ କରାଯାଇଛି । ସେହିପରି ଦିଗବାରେଣି ଛକ ଠାରୁ ସୋଲାଖିଆ ବରଗଛ ଛକ ପଯ୍ୟନ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଘୋଷଣା କରୁଛନ୍ତି ଜିଲ୍ଲାପାଳ ।![]()
ଦୁଇ ଆକ୍ରାନ୍ତଙ୍କୁ ଚିକିତ୍ସା ନିମନ୍ତେ ଭୁବନେଶ୍ୱର ସ୍ଥାନାନ୍ତର କରାଯାଇଥିବା ବେଳେ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ଲୋକଙ୍କ କୋଭିଡ ଟେଷ୍ଟ କରାଯାଇଛି ବୋଲି ଜିଲ୍ଲାପାଳ ବଲବନ୍ତ ସିଂ ସୂଚନା ଦେଇଛନ୍ତି ।
ସେହିପରି ଆକ୍ରାନ୍ତ ଦ୍ୱୟ ହୋମ କ୍ୟାରେଣ୍ଟlଇନ ନିୟମ ଭଙ୍ଗ କରିଥିବାରୁ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।
