ନୂଆଦିଲ୍ଲୀ: କୋଭିଡ୍ ସଂକ୍ରମଣ ସମୟରେ ଅନେକ ଲୋକଙ୍କ ଇମ୍ୟୁନିଟି ହ୍ରାସ ପାଇଥିବା ବେଳେ ଏହି ସମୟରେ ଜନ୍ମ ଗ୍ରହଣ କରିଥିବା ପିଲାଙ୍କ ପାଖରେ ରୋଗ ସହ ଲଢିବା ପାଇଁ ଅଧିକ ପରିମାଣର ରୋଗପ୍ରତୋରୋଧକ ଶକ୍ତି ଦେଖିବାକୁ ମିଳିଛି । ହୋଇଥିବା ଏକ ରିସର୍ଚ୍ଚରୁ ଜଣାପଡିଛି ଯେ, ଲକଡାଉନ ସମୟରେ ଜନ୍ମ ଗ୍ରହଣ କରିଥିବା ପିଲା ବହୁତ କମ୍ ମାତ୍ରରେ ରୋଗାକ୍ରାନ୍ତ ହେଉଛନ୍ତି । ସେମାନଙ୍କର ରୋଗପ୍ରତିରୋଧକ ଶକ୍ତି ଅନ୍ୟ ସମୟରେ ଜନ୍ମ ହୋଇଥିବା ପିଲାଙ୍କ ତୁଳନାରେ ଅଧିକ ରହିଛି ।
ଆୟର୍ଲାଣ୍ଡର ୟୁନିଭରସିଟି କଲେଜ କାଁର୍କର ଅନୁସନ୍ଧାନକାରୀଙ୍କ କହିବା ଅନୁସାରେ, ଲକଡାଉନ୍ ସମୟରେ ଜନ୍ମ ହୋଇଥିବା ପିଲାମାନେ ଅନ୍ୟ ପିଲାମାନଙ୍କଠାରୁ ଭିନ୍ନ ଅଟନ୍ତି। ସେମାନଙ୍କ ପେଟର ମାଇକ୍ରୋବାୟୋମ୍ ଅନ୍ୟ ପିଲାମାନଙ୍କ ତୁଳନାରେ ସମ୍ପୂର୍ଣ୍ଣ ଭିନ୍ନ ବୋଲି ଜଣାପଡିଛି | ଯେଉଁଥିପାଇଁ ଏହି ପିଲାମାନଙ୍କରେ ଆଲର୍ଜି ସମସ୍ୟା ତୁଳନାତ୍ମକ ଭାବରେ ବହୁତ କମ୍ ଅଟେ ।
NIH ଅନୁଯାୟୀ, ଏକ ସୁସ୍ଥ ଅବସ୍ଥାରେ ମାଇକ୍ରୋବୟୋଟାରେ ଅନେକଗୁଡ଼ିଏ ସକରାତ୍ମକ କାର୍ଯ୍ୟ ରହିଥାଏ । ଖାଦ୍ୟର ହଜମ ହୋଇନଥିବା ଉପାଦାନଗୁଡ଼ିକର ମେଟାବୋଲିଜିମରୁ ଶକ୍ତି ପୁନରୁଦ୍ଧାର, ସଂକ୍ରମଣରୁ ରକ୍ଷା ଏବଂ ପ୍ରତିରକ୍ଷା ପ୍ରଣାଳୀର ମୋଡ୍ୟୁଲେସନ ପରି ଅନେକ କାର୍ଯ୍ୟ କରିଥାଏ ମାଇକ୍ରୋବାୟୋଟା।
ଅନୁସନ୍ଧାନ ପରେ ଏହା ଜଣାପଡିଛି ଯେ, ଗୋଟିଏ ବର୍ଷ ମଧ୍ୟରେ କୋଭିଡରେ ଜନ୍ମ ହୋଇଥିବା ପିଲାମାନଙ୍କଠାରେ କେବଳ ୫ ପ୍ରତିଶତ ପିଲାଙ୍କ ଠାରେ ଆଲର୍ଜି ମାମଲା ଦେଖିବାକୁ ମିଳିଥିଲା, ପୂର୍ବରୁ ଏହି ସଂଖ୍ୟା ୨୨.୮ ପ୍ରତିଶତରେ ପହଞ୍ଚିଥିଲା । କେବଳ ଏତିକି ନୁହେଁ, ଏହି ପିଲାମାନଙ୍କ ମଧ୍ୟରୁ କେବଳ ୧୭ ପ୍ରତିଶତ ପିଲାଙ୍କୁ ଏକ ବର୍ଷରେ ଆଣ୍ଟିବାୟୋଟିକ୍ ନେବାକୁ ପଡୁଥିଲା, ପୂର୍ବରୁ ଏହି ହାର ୮୦ ପ୍ରତିଶତ ଥିଲା |
ଲକଡାଉନ୍ ସମୟରେ ଜନ୍ମ ହୋଇଥିବା ପିଲାମାନଙ୍କର ଦୃଢ ରୋଗପ୍ରତିରୋଧକ ଶକ୍ତି ପାଇଁ ସବୁଠାରୁ ବଡ କାରଣ ହେଉଛି ଏହି ସମୟ ମଧ୍ୟରେ ପ୍ରଦୂଷଣର ଅଭାବ | କାରଣ ଲକଡାଉନ ସମୟରେ ସବୁକିଛି ବନ୍ଦ କରିଦିଆଯାଇଥିଲା । ଯେଉଁ କାରଣରୁ ବାୟୁ ପ୍ରଦୂଷଣ କମ୍ ଥିଲା ଏବଂ ହାନିକାରକ ମଇଳା ପିଲାମାନଙ୍କର ଫୁସଫୁସରେ କମ୍ ମାତ୍ରାରେ ପ୍ରବେଶ କଲା |