ନୂଆଦିଲ୍ଲୀ: ଅକ୍ସଫୋର୍ଡ-ଆଷ୍ଟ୍ରା ଜେନେକା ଏବଂ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଦ୍ୱାରା ଉତ୍ପାଦିତ କୋଭିଶିଲ୍ଡ ଟିକାକୁ ସ୍ୱୀକୃତି ଦେବା ପାଇଁ ବେଲଜିୟମ ସର୍ବଶେଷ ୟୁରୋପୀୟ ଦେଶ ହୋଇପାରିଛି। କୋଭିଶିଲ୍ଡ ବର୍ତ୍ତମାନ ୧୫ ୟୁରୋପୀୟ ଦେଶ ଦ୍ୱାରା ସ୍ୱୀକୃତିପ୍ରାପ୍ତ।
ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଦ୍ବାରା ଉତ୍ପାଦିତ ଏବଂ କୋଭାକ୍ସ ଦ୍ବାରା ବିତରଣ ହୋଇଥିବା ଆଷ୍ଟ୍ରା ଜେନେକା ଟିକା କୋଭିଶିଲ୍ଡକୁ ବେଲଜିୟମ ସ୍ୱୀକୃତି ଦେଇଛି।
କୋଭିଡ-୧୯ ମହାମାରୀ ସମୟରେ ମୁକ୍ତ ଚଳାଚଳକୁ ସୁଗମ କରିବା ଉଦ୍ଦେଶ୍ୟରେ ୟୁଏଇର ସ୍ୱୀକୃତି ଲୋକମାନଙ୍କୁ ଇୟୁ ଡିଜିଟାଲ କୋଭିଡ ସାର୍ଟିଫିକେଟ୍ କିମ୍ବା ‘ଗ୍ରୀନ୍ ପାସ୍’ ପାଇବାରେ ସାହାଯ୍ୟ କରିବ।