ଭୁବନେଶ୍ୱର: ପବିତ୍ର ରଥଯାତ୍ରା ଅବସରରେ ନାଗରିକ ଓ ପର୍ଯ୍ୟଟକମାନଙ୍କ ଆବଶ୍ୟକତା ପୂରଣ କରିବା ଲାଗି କ୍ୟାପିଟାଲ୍ ରିଜିଅନ୍ ଅର୍ବାନ୍ ଟ୍ରାନ୍ସପୋର୍ଟ (କ୍ରୁଟ୍) ପକ୍ଷରୁ ସ୍ୱତନ୍ତ୍ର ମୋ ବସ୍ ସେବାର ଶୁଭାରମ୍ଭ ବିଷୟରେ ଘୋଷଣା କରାଯାଇଛି । ସମସ୍ତଙ୍କ ପାଇଁ ଚିନ୍ତାମୁକ୍ତ ଓ ସୁବିଧାଜନକ ଯାତ୍ରା ସୁନିଶ୍ଚିତ କରିବା ଲକ୍ଷ୍ୟ ନେଇ କ୍ରୁଟ୍ ପକ୍ଷରୁ ସ୍ୱତନ୍ତ୍ର ସେବା ଆରମ୍ଭ କରାଯାଇଛି ଯାହା ରୁଟ୍ ନଂ-୭: ମାଷ୍ଟରକ୍ୟାଣ୍ଟିନ୍ରୁ ବ୍ରହ୍ମଗିରି ଓ ରୁଟ୍, ନଂ-୮: ବରମୁଣ୍ଡାରୁ ବ୍ରହ୍ମଗିରିକୁ ସଂଯୋଗ କରୁଛି ।
ରଥଯାତ୍ରାର ଉଲ୍ଲେଖନୀୟ ଧାର୍ମିକ ଗୁରୁତ୍ୱ ରହିଛି ଓ ଏହା ଦୂରଦୂରାନ୍ତରୁ ଶ୍ରଦ୍ଧାଳୁଙ୍କୁ ଆକର୍ଷିତ କରିଥାଏ । ରଥଯାତ୍ରା ଉତ୍ସବକୁ ନେଇ ରହିଥିବା ଗୁରୁତ୍ୱ ଏବଂ ଏଥିପାଇଁ ଗମନାଗମନ ଆବଶ୍ୟକତାରେ ବୃଦ୍ଧିକୁ ଦୃଷ୍ଟିରେ ରଖି ଅଣବସର ସମୟରେ ମହାପ୍ରଭୁଙ୍କ ଦର୍ଶନ ପାଇଁ ବ୍ରହ୍ମଗିରିକୁ ଏକ ଉତ୍ସର୍ଗୀକୃତ ସାର୍ବଜନୀନ ପରିବହନ ସୁବିଧା ପ୍ରଦାନ କରିବା ଲାଗି କ୍ରୁଟ୍ ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି ।
ଏହି ସେବା ଆସନ୍ତାକାଲି ଜୁନ୍ ୫ରୁ ଆରମ୍ଭ ହେବ । ଏହା ପ୍ରମୁଖ ସ୍ଥାନ ଦେଇ ଗତି କରିବ ଏବଂ ସର୍ବାଧିକ ଯାତ୍ରୀଙ୍କ ପାଖରେ ପହଂଚିବାକୁ ସୁନିଶ୍ଚିତ କରିବ । ଉତ୍କୃଷ୍ଟ ସାର୍ବଜନୀନ ପରିବହନ ସେବା ପ୍ରଦାନ କରିବା ଲାଗି କ୍ରୁଟ୍ ସମର୍ପିତ । କ୍ରୁଟ୍ର ବିଶ୍ୱାସ ରହିଛି ଯେ ଏକ ସୁବିଧାଜନକ ଓ ଭରସାଯୋଗ୍ୟ ପରିବହନ ବିକଳ୍ପ ପ୍ରଦାନ କରି ଏହା ସମସ୍ତ ଶ୍ରଦ୍ଧାଳୁଙ୍କ ପାଇଁ ରଥଯାତ୍ରା ଉତ୍ସବ ପାଳନକୁ ସହଜ ଓ ଉଲ୍ଲାସପୂର୍ଣ୍ଣ କରିବାରେ ସହଯୋଗ କରିପାରିବ ।