ନୂଆଦିଲ୍ଲୀ: ନେପାଳରେ ବୁଧବାରର ଭୟଙ୍କର ବନ୍ୟା ପରେ ତ୍ରିଶୁଳି-3A ସମେତ ଜଳବିଦ୍ୟୁତ୍ ପ୍ରକଳ୍ପ ସୁଡ଼ଙ୍ଗ ଭିତରେ ଫସି ରହିଥିଲେ ଶହ ଶହ ଲୋକ। ସେମାନଙ୍କୁ ଉଦ୍ଧାର କରିବା ପାଇଁ ନେପାଳ ପ୍ରୟାସ ବୃଦ୍ଧି କରୁଛି।
ଅଧିକାରୀମାନେ କହିଛନ୍ତି ଯେ ଚୀନ୍ ଏବଂ ଭାରତର ବିଶେଷଜ୍ଞଙ୍କ ସମେତ ଉଦ୍ଧାରକାରୀ ଦଳ ସୁଡ଼ଙ୍ଗ ଭିତରେ ଥିବା ଲୋକଙ୍କ ସହିତ ଯୋଗାଯୋଗ ସ୍ଥାପନ କରିବାକୁ ଚେଷ୍ଟା କରୁଛନ୍ତି କିନ୍ତୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ପାଇନାହାଁନ୍ତି।
ନିଖୋଜ ହୋଇଥିବା ୨୫୦୦ ଲୋକଙ୍କ ମଧ୍ୟରୁ ଶହ ଶହ ଲୋକ ନେପାଳର ଜଳବିଦ୍ୟୁତ୍ ପ୍ରକଳ୍ପର କର୍ମଚାରୀ ବୋଲି ବିଶ୍ୱାସ କରାଯାଉଛି। ସ୍ଥାନୀୟ କର୍ତ୍ତୃପକ୍ଷ କହିଛନ୍ତି ଯେ ବୁଧବାରର ବିପର୍ଯ୍ୟୟ ପରେ ନେପାଳରେ ଅତି କମରେ ୯୦୩ ଜଣଙ୍କର ମୃତ୍ୟୁ ହୋଇଛି ଏବଂ ପ୍ରାୟ ୪,୨୦୦ ନିଖୋଜ ଅଛନ୍ତି।
ଚୀନ୍ ସରକାରୀ ଗଣମାଧ୍ୟମ ରିପୋର୍ଟ ଅନୁଯାୟୀ, ତିବ୍ଦତରେ ୧୬ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ୫୪୬ ଜଣ ନିଖୋଜ ଅଛନ୍ତି। ଚିତୱାନ୍ ଜିଲ୍ଲାରେ କର୍ତ୍ତୃପକ୍ଷ ଅଜଣା ବ୍ୟକ୍ତିଙ୍କ ଶବଦାହ ପୁଣି ଆରମ୍ଭ କରିଛନ୍ତି। ଯାହାଙ୍କ ମୃତଦେହ ବନ୍ୟାରେ ଭାସିଯିବା ପରେ ଉଦ୍ଧାର କରାଯାଇଥିଲା। ମୃତଦେହଗୁଡ଼ିକରୁ ଡିଏନଏ ନମୁନା ସଂଗ୍ରହ କରାଯାଉଛି ଯାହା ଦ୍ୱାରା ପରେ ସେମାନଙ୍କ ପରିଚୟ ଜାଣିବା ପାଇଁ ସମ୍ପର୍କୀୟଙ୍କ ଡିଏନଏ ସହିତ ତୁଳନା କରାଯାଇପାରିବ।
ରବିବାର ଦିନ ୨୭୨ ମୃତଦେହ ମଧ୍ୟରୁ ପ୍ରାୟ ୨୦୦ ମୃତଦେହକୁ କବର ଦିଆଯାଇଥିଲା ଏବଂ ଅଧିକାରୀମାନେ ଆଜି ବାକି ମୃତକଙ୍କୁ କବର ଦେବେ ବୋଲି କୁହାଯାଉଛି।