ପୁରୀ: ରକ୍ଷା ବନ୍ଧନ ହିନ୍ଦୁ ଧର୍ମର ଏକ ବଡ ଏବଂ ବିଶ୍ୱାସର ପର୍ବ ଭାବେ ପାଳନ କରି ଯାଇଥାଏ । ତେବେ ଦୁନିଆକୁ ରକ୍ଷା କରୁଥିବା ଭଗବାନମାନଙ୍କ ପାଇଁ ବି ତାଙ୍କ ଭଉଣୀମାନେ ରାକ୍ଷା ପଠାଇଥାନ୍ତି । ଆସନ୍ତୁ ଜାଣିବା ଏ ସମ୍ପର୍କରେ..
ମହାପ୍ରଭୁ ଶ୍ରୀରାମଙ୍କ ଭଉଣୀଙ୍କ ନାମ ପଚରାରିଲେ ପ୍ରାୟତଃ ଜାଣି ନ ଥାନ୍ତି । ତେବେ ପ୍ରତିବର୍ଷ ରକ୍ଷା ବନ୍ଧନରେ ଶ୍ରୀରାମଙ୍କ ପାଖକୁ ସେ ରାକ୍ଷୀ ପଠାଇଥାନ୍ତି । ତାଙ୍କ ଭଉଣୀଙ୍କ ନାମ ହେଲା ଶାନ୍ତା । ତାଙ୍କ ବିବାହ ଶୃଙ୍କୀ ଋଷିଙ୍କ ସହିତ ହୋଇଥିଲା । ହିମାଚଳ ପ୍ରଦେଶର କୁଲ୍ଲୁରେ ଶୃଙ୍ଗୀ ଋଷି ଏବଂ ଶାନ୍ତାଙ୍କ ମନ୍ଦିର ରହିଛି । ପ୍ରତ୍ୟେକ ବର୍ଷ ଏଠାରୁ ଶ୍ରୀରାମଙ୍କ ପାଇଁ ସେ ରାକ୍ଷୀ ପଠାଇଥାନ୍ତି ।
ସେହିପରି ଭଗବାନ ଶ୍ରୀକୃଷ୍ଣଙ୍କ ୩ ଭଉଣୀ ମଧ୍ୟ ଭାଇର ଶୁଭ ମନାସି ରାକ୍ଷୀ ପଠାଇଥାନ୍ତି । ଶ୍ରୀକୃଷ୍ଣଙ୍କ ୩ ଭଉଣୀ ହେଲେ ଯଶୋଦାଙ୍କ କନ୍ୟା ଏକାନଙ୍ଗା, ବାସୁଦେବଙ୍କ ଦ୍ୱିତୀୟ ପତ୍ନୀ ରୋହଣୀଙ୍କ ଝିଅ ସୁଭଦ୍ରା ଓ ସତୀ (କଂସ ଯାହାକୁ ପିଟି କରି ମାରିବାକୁ ଚେଷ୍ଟା କରିଥିଲେ ଅଥଚ ସେ ହାତରୁ ଖସି ପଳାଇଥିଲେ) । ଏଠାରୁ କିଛି ରାକ୍ଷୀ ଅଯୋଧ୍ୟା ପଠା ଯାଇଥାଏ ବୋଲି ବାଙ୍କେ ବିହାରୀଙ୍କ ପୂଜକ କହିଛନ୍ତି ।
ଶ୍ରାବଣ ମାସର ଶେଷ ଦିନ ବାବା ବିଶ୍ୱନାଥଙ୍କ ନିକଟରେ ସମ୍ପୂର୍ଣ୍ଣ ବୈଦିକ ରୀତିରେ ରକ୍ଷାବନ୍ଧନ ପର୍ବ ପାଳିତ ହୋଇଥାଏ । ଏଠାରେ ହଜାର ହଜାର ରାକ୍ଷୀକୁ ଏକତ୍ର ପ୍ରଭୂଙ୍କ ପାଦ ତଳେ ପୂଜା କରାଯାଇଥାଏ ।
Comments are closed.