ନୂଆଦିଲ୍ଲୀ: ମିସ୍ ୱାର୍ଲ୍ଡ ୨୦୨୬ କ୍ରାଉନ୍ ପିନ୍ଧିଲେ ଜୋହେରି ମୋଲା। ଭିଏତନାମର ନହା ଟ୍ରାଙ୍ଗରେ ଆୟୋଜିତ ମିସ୍ ୱାର୍ଲ୍ଡ ୨୦୨୬ ଟାଇଟଲ ହାତେଇଛନ୍ତି ଡୋମିନିକାନ୍ ରିପବ୍ଲିକର ଜୋହେରି ମୋଲା ଡୋମିନିକ୍ୟୁଜ୍। ସେ ଗ୍ରାଣ୍ଡ ଫିନାଲେରେ ସାରା ବିଶ୍ୱର ଅନେକ ସୁନ୍ଦର ପ୍ରତିଯୋଗୀଙ୍କୁ ପଛରେ ପକାଇ ଦେଇଥିଲେ।୨୪ ବର୍ଷୀୟା ଜୋହେରି ମୋଲା କେବଳ ତାଙ୍କ ସୌନ୍ଦର୍ଯ୍ୟ ବଳରେ ଏହି ମାଇଲଖୁଣ୍ଟରେ ପହଞ୍ଚି ନଥିଲେ। ତାଙ୍କର କଠିନ ପରିଶ୍ରମ ଏବଂ ଆତ୍ମବିଶ୍ୱାସ ତାଙ୍କୁ ଏହି ଟାଇଟଲ ହାସଲ କରିବାରେ ସାହାଯ୍ୟ କରିଥିଲା।
ଯଦିଓ ସେ ମଡେଲିଂ କରନ୍ତି କିନ୍ତୁ ସେ ବହୁମୁଖୀ ପ୍ରତିଭାର ଅଧିକାରୀ। ସେ ସାହିତ୍ୟ ଏବଂ ସାମାଜିକ ଅଧ୍ୟୟନର ଜଣେ ଶିକ୍ଷୟିତ୍ରୀ, ଜଣେ ସମ୍ବାଦ ପ୍ରତିନିଧି ଏବଂ ଜଣେ ସାମାଜିକ କର୍ମୀ। ଯିଏ ସବୁବେଳେ ପଛୁଆ ବର୍ଗର ସମ୍ପ୍ରଦାୟ ପାଖରେ ପହଞ୍ଚିବାକୁ ଚେଷ୍ଟା କରନ୍ତି। ଏହି ସବୁ ତାଙ୍କ କାହାଣୀକୁ ଆକର୍ଷଣୀୟ କରିଥାଏ, କାରଣ ସେ ତାଙ୍କ କାମର କେନ୍ଦ୍ରରେ ଯେଉଁ ଉଦ୍ଦେଶ୍ୟ ରଖିଛନ୍ତି ତାହା ବାହ୍ୟ ସ୍ୱୀକୃତି ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ।
ଜୋହେରି ୟୁନିଭର୍ସିଡାଡ୍ ଇବେରୋଆମେରିକାନାରେ ବିଜନେସ ମ୍ୟାନେଜମେଣ୍ଟ ଏବଂ ଆଡମିନିଷ୍ଟ୍ରେସନ ଅଧ୍ୟୟନ କରିଥିଲେ।ପ୍ରଥମ ନଜରରେ ଏହି ଶିକ୍ଷା ତାଙ୍କର ସାମାଜିକ କର୍ମୀ କାର୍ଯ୍ୟଠାରୁ ଭିନ୍ନ ମନେହୁଏ।
Comments are closed.