ପଜିଟିଭ୍ ସଂସ୍ପର୍ଶରେ ଆସିଥିଲେ ଲକ୍ଷଣ ନାହିଁ ଯଦି ଟେଷ୍ଟ ଦରକାର ନାହିଁ : ଜନସ୍ୱାସ୍ଥ୍ୟ ନିର୍ଦ୍ଦେଶକ

ଭୁବନେଶ୍ୱର : ରାଜ୍ୟରେ କରୋନା ସଂକ୍ରମଣ ହୁ ହୁ ହୋଇ ବଢୁଛି । ଏନେଇ ପ୍ରତିକ୍ରିୟା ରଖିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ । ପଜିଟିଭ୍ ସଂସ୍ପର୍ଶରେ ଯଦି ଆସୁଛନ୍ତି , ଯଦି ଆପଣଙ୍କ ଠାରେ କୌଣସି ଲକ୍ଷଣ ପରିଲକ୍ଷିତ ହେଉନାହିଁ ତେବେ ଟେଷ୍ଟ କରିବା ଦରକାର ନାହିଁ ବୋଲି ଜନସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି । ଭୟଭୀତ ହୋଇ ଏଣୁ ତେଣୁ ମେଡିସିନ ମଧ୍ୟ ଖାଆନ୍ତୁ ନାହିଁ ବୋଲି ନିରଞ୍ଜନ ମିଶ୍ର କହିଛନ୍ତି । ଆଜି ସୁଦ୍ଧା ୬୧ ହଜାର ଲୋକ ପଜିଟିଭ୍ ଥିବା ବେଳେ ମାତ୍ର ୧୧୦୦ ଶହ ଲୋକ ଡାକ୍ତରଖାନାରେ ଅଛନ୍ତି । ଗାଇଡ ଲାଇନ ଅନୁସାରେ ଯଦି ଆପଣଙ୍କ ଠାରେ ଲକ୍ଷଣ କମ୍ ରହୁଛି ତେବେ ହୋମ ଆଇସୋଲେସନରେ ରହିବାକୁ ଜନସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି ।