ନୂଆଦିଲ୍ଲୀ: ଯୁକ୍ତରାଷ୍ଟ୍ରର ନବ ନିର୍ବାଚିତ ଉପ-ରାଷ୍ଟ୍ରପତି କମଲା ହାରିସ୍ ମଙ୍ଗଳବାର ଦିନ ଟେଲିଭିଜନରେ ମାସ୍କ ପିନ୍ଧି ଲାଇଭ୍ କରୋନା ଟିକା ମଡର୍ଣ୍ଣାର ପ୍ରଥମ ଡୋଜ୍ ଗ୍ରହଣ କରିଛନ୍ତି। ଏକାସାଙ୍ଗରେ କମଲା ହାରିସ୍ ଲୋକଙ୍କୁ ଏହି ପ୍ରକ୍ରିୟାରେ ବିଶ୍ୱାସ କରିବାକୁ କହିଥିଲେ। ୱାଶିଂଟନ୍, ଡିସିରେ ଥିବା ୟୁନାଇଟେଡ୍ ମେଡିକାଲ୍ ସେଣ୍ଟରରେ ତାଙ୍କୁ ଏହି ଟିକା ଦିଆଯାଇଥିଲା। ବହୁ ସଂଖ୍ୟକ ଆଫ୍ରିକୀୟ-ଆମେରିକୀୟ ଏଠାରେ ବାସ କରନ୍ତି।
ଟିକା ର ପ୍ରଥମ ମାତ୍ରା ଗ୍ରହଣ କରିବା ପୂର୍ବରୁ କମଲା ହାରିସ୍ କହିଥିଲେ- ମୁଁ ପ୍ରସ୍ତୁତ, ତୁମେ ଟୀକାକରଣ ପ୍ରକ୍ରିୟା ଆରମ୍ଭ କର। ଟିକା ପାଇବା ବିଷୟରେ କମଲା ହାରିସା କହିଛନ୍ତି ଯେ ଏହା ବହୁତ ସହଜ ଅଟେ। ଉଲ୍ଲେଖନୀୟ କଥା ହେଉଛି, କରୋନା ମହାମାରୀକୁ ଶେଷ କରିବା ପାଇଁ ଆମେରିକାରେ ଟୀକାକରଣ ଆରମ୍ଭ ହୋଇଛି। ଆମେରିକାର କରୋନା ମହାମାରୀରେ ସର୍ବାଧିକ କ୍ଷତି ହୋଇଛି। ଦୁନିଆରେ ସର୍ବାଧିକ ମୃତ୍ୟୁ ଏବଂ କରୋନା ସଂକ୍ରମଣ ମାମଲା ଆମେରିକାରୁ ଆସିଛି।
କମଲା ହାରିସ୍ ପ୍ରଥମ ଭାରତୀୟ-ଆମେରିକୀୟ ମହିଳା ଯିଏକି ଜାନୁଆରୀ ୨୦ରେ ଉପ-ରାଷ୍ଟ୍ରପତି ପଦ ଗ୍ରହଣ କରିବେ। ଏଥିସହ ସେ ଆମେରିକାର ଉପରାଷ୍ଟ୍ରପତି ହେବାରେ ମଧ୍ୟ ପ୍ରଥମ ମହିଳା ହେବେ। ତାଙ୍କ ସ୍ୱାମୀ ଡଗ୍ ଆମୋଫଙ୍କୁ ମଧ୍ୟ କରୋନା ଟିକା ଦିଆଯାଇଥିଲା।