ତୀବ୍ର ହେଉଛି କୃଷକ ଆନ୍ଦୋଳନ; ଡିସେମ୍ବର ୮କୁ ଭାରତ ବନ୍ଦ ଘୋଷଣା କଲା କୃଷକ ସଂଘ!

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ତିନୋଟି କୃଷି ନିୟମକୁ ବିରୋଧ କରୁଥିବା କୃଷକମାନେ ଆନ୍ଦୋଳନକୁ ତୀବ୍ର କରିବାକୁ ପ୍ରସ୍ତୁତ ହେଉଛନ୍ତି। ଡିସେମ୍ବର ୮ରେ କୃଷକମାନେ ଭାରତ ବନ୍ଦ ଡାକରା ନେଇ ଘୋଷଣା କରିଛନ୍ତି। ବର୍ତ୍ତମାନ କୃଷକମାନେ ମଧ୍ୟ କେନ୍ଦ୍ର ସରକାରଙ୍କ ବିରୋଧରେ ନିଜର ଆଭିମୁଖ୍ୟକୁ ଜୋରଦାର କରିଛନ୍ତି। ଗତକାଲି ସାରା ଦେଶରେ ପ୍ରଧାନମନ୍ତ୍ରୀ ମୋଦୀଙ୍କ କୁଶପୁତ୍ତଳିକା ଦାହ କରିବାକୁ ମଧ୍ୟ କୃଷକମାନେ ଘୋଷଣା କରିଛନ୍ତି।

ଆଜି ସିନ୍ଧୁ ସୀମାରେ ସାମ୍ବାଦିକ ସମ୍ମିଳନୀ କରିବାକୁ ଆସିଥିବା କୃଷକମାନେ କହିଛନ୍ତି ଯେ ଏମଏସପି ସରକାରଙ୍କ ସହ ଆଲୋଚନା ହେଉଛି କିନ୍ତୁ ଆମ ତିନୋଟି ଆଇନକୁ ନିଶ୍ଚିତ ଫେରାଇବୁ। ଆମେ ଆନ୍ଦୋଳନକୁ ଆହୁରି ଜୋରଦାର କରିବୁ ବୋଲି କୃଷକ ନେତା କହିଛନ୍ତି। ଡିସେମ୍ବର ୮ରେ ଭାରତ ବନ୍ଦ ରହିବ, ସମସ୍ତ ଟୋଲ ପ୍ଲାଜା ମଧ୍ୟ ବନ୍ଦ ରହିବ। ଏହା ସହ ଦିଲ୍ଲୀ ଆସୁଥିବା ସମସ୍ତ ରୁଟ ମଧ୍ୟ ବନ୍ଦ ରହିବ ବୋଲି କହିଛନ୍ତି କୃଷକ ସଂଘର ସାଧାରଣ ସମ୍ପାଦକ ଏଚ୍‌ଏସ୍‌. ଲାଖୋୱାଲ୍‌।