ନୂଆଦିଲ୍ଲୀ: କରୋନାର କୋପ ନ ଥମୁଣୁ ଦେଶର ଅନେକ ରାଜ୍ୟରେ ଲୋକେ ଉଚ୍ଚ ଜ୍ୱରରେ ଆକ୍ରାନ୍ତ ଦେଖିବାକୁ ମିଳିଛି। ଗତ ଏକ ମାସ ମଧ୍ୟରେ ଉତ୍ତର ଏବଂ ପୂର୍ବ ଭାରତର ପାଞ୍ଚଟି ରାଜ୍ୟରେ ଅଧିକ ଜ୍ୱର ହେତୁ ପ୍ରାୟ ୧୦୦ ଲୋକଙ୍କର ମୃତ୍ୟୁ ଘଟିଛି। ମଧ୍ୟପ୍ରଦେଶରେ ୩୦୦୦ ଜ୍ୱର ମାମଲା ସାମ୍ନାକୁ ଆସିଛି ଏବଂ ୬ ଜଣ ସନ୍ଦିଗ୍ଧ ମୃତ୍ୟୁ ହୋଇଥିବା ରିପୋର୍ଟ ହୋଇଛି।
ଅଗଷ୍ଟ ଦ୍ୱିତୀୟ ସପ୍ତାହରେ ଉତ୍ତରପ୍ରଦେଶର ଫିରୋଜାବାଦ ଜିଲ୍ଲାରେ ଏଭଳି ରହସ୍ୟମୟ ଜ୍ୱରର ପ୍ରଥମ ଘଟଣା ଦେଖିବାକୁ ମିଳିଥିଲା। କିନ୍ତୁ ଏହା ଡେଙ୍ଗୁ ରୋଗ ବୋଲି ସରକାର କହିଥିଲେ। ସେପ୍ଟେମ୍ବରରେ ଜ୍ୱରରେ ମୃତ୍ୟୁ ହେବାର କାରଣ ଡେଙ୍ଗୁ ବୋଲି ଦର୍ଶାଯାଇଥିଲା।
ସମ୍ପ୍ରତି ଦେଶର ଅନେକ ରାଜ୍ୟରେ ଅଜଣା ଜ୍ୱର ଆତଙ୍କ ସୃଷ୍ଟି କରିଛି। ମଧ୍ୟପ୍ରଦେଶ ଏବଂ ହରିୟାଣା ସରକାର କହିଛନ୍ତି ଯେ ଉଚ୍ଚ ଜ୍ୱରର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, ଏହା ବ୍ୟତୀତ ବିହାରର ନିମୋନିଆ ଏବଂ ବେଙ୍ଗଲର ସ୍ୱାଇନ୍ ଫ୍ଲୁକୁ ଏହାର କାରଣ ବୋଲି କୁହାଯାଇଛି।
ଗତ ୪୫ ଦିନ ମଧ୍ୟରେ ୬ ଜଣ ସନ୍ଦିଗ୍ଧଙ୍କ ମୃତ୍ୟୁ ହୋଇଥିବା ମଧ୍ୟପ୍ରଦେଶ ରିପୋର୍ଟ କରିଛି। ଅଜଣା ଜ୍ବରରେ ସବୁଠାରୁ ଅଧିକ ପ୍ରଭାବିତ ଜିଲ୍ଲା ହେଉଛି ମନ୍ଦସୌର ଯେଉଁଠି ୮୮୬ ଟି ମାମଲା ରିପୋର୍ଟ ହୋଇଛି। ଏହା ପଛକୁ ରହିଛି ଜବଲପୁରରେ ଯେଉଁଠି ୪୩୬ ଟି ମାମଲା ରିପୋର୍ଟ ହୋଇଛି।