ନୂଆଦିଲ୍ଲୀ: ଆମେରିକାର ପଶ୍ଚିମ ଭର୍ଜିନିଆରେ ଅବସ୍ଥିତ ଫିଟନେସ୍ ପ୍ରଶିକ୍ଷକ ରୁପା ହୁଲେଟ୍ ଏକ ଏକ ମିନିଟରେ ୩୪ ଟି ପୁଲ୍ଅପ୍ସ ମାରି ଗିନିଜ୍ ବୁକ୍ ଅଫ୍ ୱାର୍ଲଡ ରେକର୍ଡରେ ନିଜ ନାଁକୁ ସାମିଲ୍ କରିଛନ୍ତି।
ରୁପା କହିଛନ୍ତି ଯେ ସେ ଲକ୍ଡାଉନ୍ ସମୟରେ ଟାଇମପାସ୍ ପାଇଁ ଅନେକ ଫିଟ୍ନେସ ଚ୍ୟାଲେଞ୍ଜ ନେବା ଆରମ୍ଭ କରିଥିଲେ। ସେହି ଦିନଠାରୁ, ଫିଟନେସ୍ ରେକର୍ଡ ପ୍ରତି ତାଙ୍କର ଆଗ୍ରହ ବଢିବାକୁ ଲାଗିଲା।
ରୁପା କହିଛନ୍ତି ଯେ କରୋନା ଅବଧିରେ ସେ ପ୍ରତିଦିନ ୧୦୦ଟି ପୁଲ୍ଅପ୍ କରୁଥିଲେ ଏବଂ ଏହି କାରଣରୁ ସେ ତାଙ୍କ ଫିଟନେସରେ ମଧ୍ୟ ବହୁତ ଉନ୍ନତି ଦେଖିବାକୁ ମିଳିଥିଲା। ସେବେଠାରୁ ସେ ଏଭଳି ଏକ ବିଶ୍ୱ ରେକର୍ଡ କରିବା ପାଇଁ ମନ ବଳାଇଥିଲେ। ଏଥିପାଇଁ ସେ କଠିନ ପରିଶ୍ରମ ମଧ୍ୟ କରିଥିଲେ।
ଏହାପରେ ସେ ଏକ ମିନିଟରେ ପୁଲ୍ଅପ୍ ରେକର୍ଡ ବିଷୟରେ ଜାଣିବାକୁ ପାଇଥିଲେ ଏବଂ ଏଥିପାଇଁ ପ୍ରସ୍ତୁତି ଆରମ୍ଭ କରିଥିଲେ। ନିରନ୍ତର କଠିନ ପରିଶ୍ରମର ସାହାଯ୍ୟରେ ସେ ଏହି ରେକର୍ଡ ସୃଷ୍ଟି କରିବାରେ ସଫଳ ହୋଇଥିଲେ।ଜଣେ ଫିଟନେସ୍ ପ୍ରଶିକ୍ଷକ ହେବା ବ୍ୟତୀତ ରୁପା ଜଣେ ସଫଳ କର୍ପୋରେଟ୍ ମହିଳା ଏବଂ ସେ ଜଣେ ପେସାଦାର କୋଡର୍।
ରୁପା କହିଛନ୍ତି ଯେ ମୁଁ ଭାବୁଛି ବହୁତ କମ୍ ଲୋକ ଅଛନ୍ତି ଯେଉଁମାନେ ବିଶ୍ୱ ରେକର୍ଡ ତିଆରି କରିପାରିଛନ୍ତି। ତେଣୁ ଏହା ମୋ ପାଇଁ ଗର୍ବର ବିଷୟ ଯେ ମୁଁ ୪୫ ବର୍ଷ ବୟସରେ ଏଭଳି ସଫଳତା ହାସଲ କରିପାରିଛି।