Latest Odisha News

BREAKING NEWS

ବାଣ ଦୋକାନରେ ରହିବ ଅଗ୍ନି ନିର୍ବାପକ ଯନ୍ତ୍ର, ଓଦା ବସ୍ତା ଓ ପାଣି ଡ୍ରମ୍: ଆସିଲା ଗାଇଡଲାଇନ

ଭୁବନେଶ୍ୱର:  ଆସୁଛି ଦୀପାବଳି । ବାଣ ଦୋକାନୀଙ୍କ ପାଇଁ ଜାରି ହୋଇଛି ଗାଇଡଲାଇନ । ଅଗ୍ନିଶମ ଓ ଜରୁରୀକାଳୀନ ସେବା ନିର୍ଦ୍ଦେଶାଳୟ ଓଡ଼ିଶା ପକ୍ଷରୁ ସ୍ଥାୟୀ ଓ ଅସ୍ଥାୟୀ ବାଣ ଦୋକାନ ପାଇଁ ଅଲଗା ଅଲଗା ଗାଇଡ ଲାଇନ ଜାରି କରାଯାଇଛି । କୌଣସି ପ୍ରକାର ଅଘଟଣ ଯେପରି ନ ଘଟେ ତାହାକୁ ଦୃଷ୍ଟିରେ ରଖି ବିଭାଗ ପକ୍ଷରୁ ଏପରି ପଦକ୍ଷେପ ନିଆ ଯାଇଛି । ଏହି ଗାଇଡ ଲାଇନ ଅନୁସାରେ-

ଅସ୍ଥାୟୀ ବାଣ ଦୋକାନ:-

  • ବାଣ ବିକ୍ରୟ ପାଇଁ ବ୍ୟବହୃତ ଅସ୍ଥାୟୀ ଦୋକାନ ଗୁଡିକ ପରସ୍ପରଠାରୁ ଅତି କମ୍ ରେ ୧୦ ଫୁଟ୍ ଏବଂ କୌଣସି ସୁରକ୍ଷିତ କାର୍ଯ୍ୟସ୍ଥଳ ଠାରୁ ଅତିକମ୍ ରେ ୧୫୦ଫୁଟ୍ ଦୂରତାରେ ରହିବ । ଦୋକାନ ଗୁଡ଼ିକ ସାମ୍ନାସାମ୍ନି ହୋଇ ରହିବେ ନାହିଁ।
  • ଦୋକାନରେ କିମ୍ବା ଦୋକାନର ନିରାପତ୍ତା ଦୂରତା ମଧ୍ୟରେ କୌଣସି ତେଲ ଦୀପ, ଗ୍ୟାସ୍ ଦୀପ କିମ୍ବା ଖୋଲା ଲାଇଟ୍ ବ୍ୟବହାର କରାଯିବ ନାହିଁ। ବିଦ୍ୟୁତ୍ ଲାଇଟ୍ ଗୁଡିକୁ ଖୋଲା ଏବଂ ଝୁଲୁଥିବା ନମନୀୟ ତାର ଦ୍ୱାରା ନ ରଖି କାନ୍ଥ କିମ୍ବା ଛାତରେ ସ୍ଥାୟୀ ଭାବେ ଲଗାଯିବ ଉଚିତ୍ । ପ୍ରତ୍ୟେକଦୋକାନ ପାଇଁ ସୁଇଜ ଗୁଡିକ କାନ୍ଥରେ ସ୍ଥାୟୀ ଭାବେ ଲଗାଯାଇ ପ୍ରତି ଧାଡ଼ିରେ ଥିବା କୋଠରୀ ପାଇଁ ଏକ ମାଷ୍ଟର ସୁଇଚ୍ ବ୍ୟବସ୍ଥା କରାଯିବ ।
  • କୌଣସି ଦୋକାନର ୫୦ ମିଟର ଦୂରତା ମଧ୍ୟରେ ବାଣ ପ୍ରଦର୍ଶନ ନିଷିଦ୍ଧ ଅଟେ ।
  • ଗୋଟିଏ ନିର୍ଦିଷ୍ଟ ସ୍ଥାନ/ ପରିସରରେ ୫୦ରୁ ଅଧିକ ଦୋକାନ ରହିବା ଅନୁଚିତ୍ ।
  • ଦୋକାନରେ ଥିବା ବାଣକୁ ବିଦ୍ୟୁତ୍ ରହିତ ପାତ୍ରରେ କିମ୍ବା ସ୍ଥିରୀକୃତ ମୂଳ ପ୍ୟାକେଟ୍ ରେ ରଖାଯିବ, ଯେଉଁଥିରେ ସେଗୁଡ଼ିକ ଗ୍ରହଣ କରାଯାଇଛି।
  • କେବଳ ସ୍ୱୀକୃତିପ୍ରାପ୍ତ ଆବେଦନକାରୀଙ୍କୁଦୋକାନରେ ବାଣ ବିକ୍ରି ଏବଂ ବାଣ ସରଂକ୍ଷିତ ରଖିବା ନିମନ୍ତେ ଅନୁମତି ଦିଆଯିବ ।
  • ଅସ୍ଥାୟୀବାଣ ଦୋକାନ ଗୁଡିକରେ ବାଣ ବ୍ୟତୀତ ଅନ୍ୟ କୌଣସି ବିସ୍ଫୋରକ ସାମଗ୍ରୀ ଓ ଅନ୍ୟାନ୍ୟ ସାମଗ୍ରୀ ରଖିବା କିମ୍ବା ବିକ୍ରି କରିବାକୁ ଅନୁମତି ଦିଆଯିବ ନାହିଁ ।
  • ସରକାରୀ ପ୍ରମାଣିତ ବୈଦ୍ୟୁତିକ ଠିକାଦାରଙ୍କ ଦ୍ୱାରା ବିଦ୍ୟୁତ୍ ତାର ଏବଂ ସଂଯୋଗ ଠିକ୍ ଭାବରେ କରାଯିବା ଉଚିତ୍ ।
  • ଜନସାଧାରଣଙ୍କ ସୁରକ୍ଷା ଦୃଷ୍ଟିରୁ ବାଣ ଦୋକାନ ସମ୍ମୁଖରେ ଗାଡ଼ି ପାର୍କିଂ ଓ ଧୂମ୍ରପାନକୁ କଡ଼ାକଡ଼ି ଭାବେ ନିଷେଧ କରିବା ଆବଶ୍ୟକ ଏବଂ ଦୋକାନରେ ନିର୍ଦ୍ଦିଷ୍ଟ ସ୍ଥାନରେ “ଧୂମ୍ରପାନ ନିଷେଧ” ବୋର୍ଡ ପ୍ରଦର୍ଶନ କରାଯିବା ଉଚିତ୍ ।
  • ଦୋକାନରେ ଆବଶ୍ୟକୀୟ ଅଗ୍ନି ନିର୍ବାପକ ଯନ୍ତ୍ର, ଓଦା ବସ୍ତା ଓ ୨୦୦ ଲିଟର କ୍ଷମତା ବିଶିଷ୍ଟ ପାଣି ଡ୍ରମ୍ ଏବଂ ଶୁଖିଲା ବାଲି ଥିବା ଗୋଟିଏ ବାଲ୍ଟି ରଖାଯିବା ଆବଶ୍ୟକ।

ସ୍ଥାୟୀ ବାଣ ଦୋକାନ:-

  • ସ୍ଥାୟୀ ବାଣ ବିକ୍ରୟ ନିମନ୍ତେ ଉଦ୍ଧିଷ୍ଟ ଦୋକାନ ଗୁଡିକ ସାଧାରଣତଃ ଇଟା, ପଥର କିମ୍ବା କଂକ୍ରିଟ୍ ରେ ନିର୍ମିତ ହେବା ସଙ୍ଗେ ବନ୍ଦ ହେବା ଆବଶ୍ୟକ । ଦୋକାନ ଗୁଡିକ ଅନଧିକୃତ ବ୍ୟକ୍ତିମାନଙ୍କ ପ୍ରବେଶ ପାଇଁ ନିଷେଧ ହେବ ଉଚିତ୍ ।
  • ସ୍ଥାୟୀ ଦୋକାନ ଗୁଡିକ ଅନ୍ୟ ମହଲା ମାନଙ୍କ ଠାରୁ ଅଲଗା ହେବା ଦରକାର ଏବଂ ତଳ ମହଲାରେ ହେବା ଆବଶ୍ୟକ । ଏହାର ପୃଥକ୍ ପ୍ରବେଶ ଏବଂ ପ୍ରସ୍ଥାନ ଦ୍ୱାର ରହିବା ଆବଶ୍ୟକ ଏବଂ କବାଟ ଗୁଡିକ ବାହାରକୁ ଖୋଲାଯିବାର ବ୍ୟବସ୍ଥା ଥିବା ଆବଶ୍ୟକ ।
  • ସାଧାରଣତଃ ଏହା ଭୂତଳ କିମ୍ବା ଘରର ମଝି ମହଲା, ଉପର ମହଲା ଇତ୍ୟାଦିରେ ରହି ପାରିବ ନାହିଁ । ଏଥି ସହିତ ବାଣ ଗୁଡିକ ସିଡି/ ଲିଫ୍ଟ୍ ନିକଟରେ ମଧ୍ୟ ଗଚ୍ଛିତ କରି ରଖାଯିବ ନାହିଁ ।

 

Leave A Reply

Your email address will not be published.