ଚାଷୀଙ୍କୁ ନେଇ ହରିୟାଣା କୃଷି ମନ୍ତ୍ରୀଙ୍କ ବିବାଦୀୟ ବୟାନ, କହିଲେ- ‘ଘରେ ଥିଲେ ବି ମରିଥାନ୍ତେ ୨ ଶହ କୃଷକ’
ନୂଆଦିଲ୍ଲୀ: ଦେଶରେ କୃଷି ଆଇନକୁ ବିରୋଧ କରି ଆନ୍ଦୋଳନ ଚାଲିଥିବା ବେଳେ ବିଜେପି ନେତାଙ୍କ ତୁଣ୍ଡରେ ବାଟୁଳି ବାଜୁନି । କେତେବେଳେ ବିଜେପି ନେତା ଚାଷୀଙ୍କୁ ଆତଙ୍କବାଦୀ କହୁଛନ୍ତି ତ ଆଉ କେବେ ତାତ୍ସଲ୍ୟ କରୁଛନ୍ତି । ଏବେ ଏବେ ପୁଣି ବିଜେପି ମନ୍ତ୍ରୀଙ୍କ ଆଉ ଏକ ବୟାନ ଆସିଛି । ନିଜ ବୟାନକୁ ନେଇ ଫସିଛନ୍ତି ହରିୟାଣାର କୃଷି ମନ୍ତ୍ରୀ ଜେପି ଦଲାଲ । ସେ କହିଛନ୍ତି- ‘କୃଷକ ଆନ୍ଦୋଳନ ବେଳେ ମୃତ୍ୟୁବରଣ କରିଥିବା ୨୦୦ ଚାଷୀ ଘରେ ଥିଲେ ବି ମରିଥାନ୍ତେ । କିଏ ହୃଦଘାତରେ ତ ଆଉ କିଏ ଜରରେ ଜୀବନ ହାରିଛନ୍ତି ।’ ହରିୟାଣା କୃଷିମନ୍ତ୍ରୀଙ୍କ ବୟାନକୁ ନେଇ କଂଗ୍ରେସ ଜେପି ଦଲାଲଙ୍କ ଇସ୍ତଫା ଦାବି କରିଛି ।
ତେବେ, ପ୍ରଶ୍ନ ଉଠୁଛି ଚାଷୀଙ୍କ ପ୍ରତି ବିଜେପି ନେତାଙ୍କ ଏଭଳି ଅସୂୟା ମନୋଭାବ କାହିଁକି ? କଂଗ୍ରେସ ନେତା ରଣଦୀପ ସୁରେଜୱାଲା ଏକ ଭିଡିଓ ଜାରି କରି ଲେଖିଛନ୍ତି- ‘ଆନ୍ଦୋଳନକାରୀ ଚାଷୀଙ୍କ ପ୍ରତି ଏଭଳି ଶବ୍ଦ ଜଣେ ସମ୍ବେଦନହୀନ ଓ ସଂସ୍କାରହୀନ ବ୍ୟକ୍ତି ହିଁ କରିପାରେ । ତାଙ୍କୁ ଟିକିଏ ବି ଲାଜ ସରମ ନାହିଁ । ପ୍ରଥମେ କୃଷକଙ୍କୁ ପାକିସ୍ତାନ ଓ ଚୀନ ସମର୍ଥକ କହୁଥିବା ହରିୟାଣା କୃଷି ମନ୍ତ୍ରୀ ଜେପି ଦଲାଲଙ୍କୁ କ୍ୟାବିନେଟରୁ ବରଖାସ୍ତ କରାଯାଉ ।’
आंदोलन में संघर्षरत अन्नदाताओं के लिए इन शब्दों का प्रयोग एक संवेदनहीन और संस्कारहीन व्यक्ति ही कर सकता है।
शर्म, मगर इनको आती नहीं।
पहले किसानों को पाकिस्तान व चीन समर्थक बताने वाले हरियाणा के कृषि मंत्री जेपी दलाल को कैबिनेट से बर्खास्त किया जाना चाहिए।#Farmers_Lives_Matter pic.twitter.com/la71GiA7iv
— Randeep Singh Surjewala (@rssurjewala) February 13, 2021
ଜେପି ଦଲାଲ ସାମ୍ବାଦିକ ସମ୍ମିଳନୀ ବେଳେ ଏକ ପ୍ରଶ୍ନର ଉତ୍ତର ଦେଇ କହିଥିଲେ- ‘୨୦୦ କୃଷକ ମରିଛନ୍ତି । ଘରେ ଥିଲେ ବି ମରିଥାନ୍ତେ ।’ ସେ କହିଛନ୍ତି ଲକ୍ଷେ ୨ ଲକ୍ଷେରୁ ୨୦୦ ଶହ ଜଣ ମାସକରେ ମରୁନାହାଁନ୍ତି କି ? କିଏ ହୃଦଘାତରେ ତ ଆଉ କିଏ ଜରରେ ମରୁଛି ବୋଲି ଜେପି ଦଲାଲ କହିଛନ୍ତି ।