ତେଲଙ୍ଗାନା: ହିମାଚଳପ୍ରଦେଶ ରାଜ୍ୟପାଳ ବନ୍ଦାରୁ ଦତ୍ତାତ୍ରେୟଙ୍କ କାର ଆଜି ସକାଳେ ହାଇଦ୍ରାବାଦରେ ଦୁର୍ଘଟଣାଗ୍ରସ୍ତ ହୋଇଥିବା ବେଳେ ସେ ଏକ ବଡ ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି । ଏକ କାର୍ଯ୍ୟକ୍ରମରେ ଯୋଗ ଦେଇ ହାଇଦ୍ରାବାଦରୁ ନାଲଗୋଣ୍ଡା ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା ।
ତେବେ କାରରେ ଦତ୍ତାତ୍ରେୟଙ୍କ ସହ ରହିଥିବା କୌଣସି ବ୍ୟକ୍ତି କାହାର କିଛି କ୍ଷତି ହୋଇନାହିଁ । ବନ୍ଦାରୁ ଦତ୍ତୋତ୍ରୟଙ୍କ ଘର ତେଲେଙ୍ଗାନାରେ ହୋଇଥିବା ବେଳେ ରାଜ୍ୟପାଳ ଭାବେ ନିଯୁକ୍ତ ହେବା ପୂର୍ବରୁ ସେ ରାଜନୀତିରେ ସକ୍ରିୟ ଥିଲେ । ସେ ସିକନ୍ଦରାବାଦ ନିର୍ବାଚନ ମଣ୍ଡଳୀରୁ ତିନିଥର ସାଂସଦ ଭାବେ ନିର୍ବାଚିତ ହୋଇଥିଲେ । କେନ୍ଦ୍ର ସରକାରରେ ମନ୍ତ୍ରୀ ପଦରେ ମଧ୍ୟ ରହିଥିଲେ ।