ନୂଆଦିଲ୍ଲୀ:ଦକ୍ଷିଣ କୋରିଆ କମ୍ପାନୀ ହ୍ୟୁଣ୍ଡାଇ କଶ୍ମୀର ନେଇ ସୋସିଆଲ ସାଇଟରେ ବିବାଦୀୟ ମେସେଜ ଦେଇଥିଲା । ଭାରତ ପକ୍ଷରୁ ଚାପ ପଡିବା ପରେ କମ୍ପାନୀର ଭୁଲ ନେଇ ଦକ୍ଷିଣ କୋରିଆର ବୈଦେଶିକ ବ୍ୟାପାର ମନ୍ତ୍ରୀ ଚୁଙ୍ଗ ୟୁଇ ୟୋଙ୍ଗ କ୍ଷମା ପ୍ରାର୍ଥନା କରିଛନ୍ତି । ବୈଦେଶିକ ମନ୍ତ୍ରଣାଳୟ ପକ୍ଷରୁ ଏହି ସୂଚନା ଦିଆଯାଇଛି । ଦକ୍ଷିଣ କୋରିଆ ରାଜଧାନୀ ସିଓଲରେ ଭାରତର ରାଜଦୂତ ହ୍ୟୁଣ୍ଡାଇ ମୁଖ୍ୟାଳୟକୁ ସ୍ପଷ୍ଟୀକରଣ ମଗାଇଛନ୍ତି ।
ସୂଚନାଯୋଗ୍ୟ, ଫେବୃୟାରୀ ୫ କଶ୍ମୀର ସଲିଡେରିଟି ଦିବସରେ ହୁଣ୍ଡାଇ କଶ୍ମୀରର ସ୍ୱାଧୀନତା ନେଇ ମେସେଜ ଦେଇଥିଲା । କଶ୍ମୀର ଭାରତର ଅଭିନ୍ନ ଅଙ୍ଗ ହୋଇଥିବାରୁ ଏ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଏହା ପୂର୍ବରୁ କେଏଫସି, ଡୋମିନସ, ପିଜ୍ଜା ହଟ, ଓସକା ବ୍ୟାଟେରୀ, ଆଇସିଜୁ ଡି ମାକ୍ସ, ଆଟଲାସ ହୋଣ୍ଡା ଲିମିଟେଡ କିଛି ନ ଜାଣି ମେସେଜ ଦେଇଥିଲେ । ଏହି କମ୍ପାନୀମାନେ ଏବେ କ୍ଷମା ମାଗିବା ଆରମ୍ଭ କରି ଦେଇଛନ୍ତି ।
Comments are closed.