ନୂଆଦିଲ୍ଲୀ: ଆମେରିକାର ପ୍ରତିନିଧି ସଭା ରୁଷ ଉପରେ କଠୋର କଟକଣା ଲଗାଇବା ପାଇଁ ଏକ ବିଲ୍ ପାସ୍ କରିଛି। ଏହି ବିଲ୍ ଟ୍ରମ୍ପ ପ୍ରଶାସନକୁ ରୁଷ ତେଲ ଏବଂ ଗ୍ୟାସ୍ କ୍ରୟ କରୁଥିବା ଶ୍ରେଷ୍ଠ ପାଞ୍ଚଟି ଦେଶ ଉପରେ ୧୦୦% ପର୍ଯ୍ୟନ୍ତ ଶୁଳ୍କ ଲଗାଇବାକୁ କ୍ଷମତା ଦେବ। ଖାସକରି ରୁଷ ଠାରୁ ତେଲ ଓ ପ୍ରାକୃତିକ ଗ୍ୟାସ୍ କିଣୁଥିବା ଦେଶଗୁଡ଼ିକ ଉପରେ ଶତ ପ୍ରତିଶତ ପର୍ଯ୍ୟନ୍ତ ସୀମା ଶୁଳ୍କ ଲଗାଇବାକୁ ଆମେରିକା ସଂସଦରେ ଏହି ବିଲ୍ ପାରିତ ହୋଇଛି ।
ଏହି ବିଲ୍ ମଧ୍ୟରେ ଭାରତ ମଧ୍ୟ ପ୍ରଭାବିତ ହେବ। କାରଣ ଆମ ଦେଶ ରୁଷରୁ ତେଲ କ୍ରୟ କରୁଥିବା ଶ୍ରେଷ୍ଠ ପାଞ୍ଚଟି ଦେଶ ମଧ୍ୟରେ ଅନ୍ତର୍ଭୁକ୍ତ। ଆମେରିକାର ପ୍ରତିନିଧି ସଭାରେ ଏହି ବିଲ୍ ସପକ୍ଷରେ ୨୬୨ ଏବଂ ବିପକ୍ଷରେ ୧୫୯ ଭୋଟ ମିଳିଛି।
ଏକ ରିପୋର୍ଟ ଅନୁଯାୟୀ, ବିଲ୍ର ଆଧିକାରିକ ନାମ ହେଉଛି “ଲିଣ୍ଡସେ ଓ. ଗ୍ରାହାମ୍ ସଙ୍କସନ୍ିଙ୍ଗ୍ ରୁଷିଆ ଆଣ୍ଡ ଇରାନ୍ ଆକ୍ଟ ଅଫ୍ ୨୦୨୬”। ବିଲ୍ ପୂର୍ବରୁ ସେନେଟରେ ଏକ ବଡ଼ ବିଜୟ ସହିତ ପାସ୍ ହୋଇସାରିଛି, ଯାହାର ଅର୍ଥ ହେଉଛି ଏହା ଏବେ ଆଇନରେ ପରିଣତ ପାଇଁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିକଟକୁ ଯିବ। ତେବେ ଏହି ନିୟମରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଏକ ସ୍ୱତନ୍ତ୍ର କ୍ଷମତା ପ୍ରଦାନ କରାଯାଇଛି । ଯାହା ଅନୁଯାୟୀ ଯଦି କୌଣସି ଦେଶ ରୁଷ ତେଲ ଉପରେ ନିର୍ଭରଶୀଳତା କମାଇବା ପାଇଁ ପଦକ୍ଷେପ ନିଏ, ତେବେ ରାଷ୍ଟ୍ରପତି ଆବଶ୍ୟକସ୍ଥଳେ ଏହି ଶୁଳ୍କ କୋହଳ ବା ଛାଡ଼ କରିପାରିବେ ।
ତେବେ ଏହି ଦେଶଗୁଡ଼ିକରେ ଭାରତ ଅନ୍ତର୍ଭୁକ୍ତ। ଏଥିରେ ଚୀନ୍, ସ୍ଲୋଭାକିଆ, ହଙ୍ଗେରୀ ଏବଂ ଆଜରବାଇଜାନ ମଧ୍ୟ ଅନ୍ତର୍ଭୁକ୍ତ ହୋଇପାରେ। ଏହି ବିଲ୍ ରୁଷ ଅଧିକାରୀ, ବ୍ୟାଙ୍କ ଏବଂ ଦେଶର ଶକ୍ତି ବାଣିଜ୍ୟକୁ ଟାର୍ଗେଟ୍ କରୁଛି। ରୁଷର ଅଶୋଧିତ ତୈଳର ସବୁଠାରୁ ବଡ଼ କ୍ରେତାଙ୍କ ମଧ୍ୟରେ ଅଛନ୍ତି ଭାରତ ଏବଂ ଚୀନ୍। ଏହି ଶୁଳ୍କ ବ୍ୟବସ୍ଥା ଆଂଶିକ ଭାବରେ ସେହି ଦେଶଗୁଡ଼ିକ ଉପରେ ଚାପ ପକାଇବ ଯେଉଁମାନେ ରୁଷର ଶକ୍ତି ରାଜସ୍ୱକୁ ସମର୍ଥନ କରିଆସୁଛନ୍ତି।