ଭୁବନେଶ୍ୱର: ଓଡ଼ିଶା ରାଜଧାନୀ ଭୁବନେଶ୍ୱରସ୍ଥିତ କଳିଙ୍ଗ ଷ୍ଟାଡ଼ିୟମରେ ଚାଲିଥିବା ଏଫଆଇଏଚ୍ ସିରିଜ୍ ଫାଇନାଲ୍ସ ଟୁର୍ଣ୍ଣାମେଣ୍ଟର ସେମିଫାଇନାଲରେ ଭାରତ ପ୍ରବେଶ କରିଛି । ସୋମବାର ଦିନ ଏକ ପୁଲ୍ ମ୍ୟାଚରେ ଘରୋଇ ଭାରତୀୟ ଦଳ ଅପେକ୍ଷାକୃତ ଦୁର୍ବଳ ଦଳ ଉଜବେକିସ୍ତାନକୁ ୧୦-୦ ଗୋଲରେ ପରାସ୍ତ କରିଛି ।
FT: IND 10-0 UZB
An emphatic win for India in their last pool match as they make their way into the Semi Finals of the tournament!
Congratulations #MenInBlue ???#IndiaKaGame #FIHSeriesFinals #RoadToTokyo #INDvUZB pic.twitter.com/ARHkJgRlew
— Hockey India (@TheHockeyIndia) June 10, 2019
ଟୁର୍ଣ୍ଣାମେଣ୍ଟରେ ଏହା ଭାରତର କ୍ରମାଗତ ତୃତୀୟ ବିଜୟ । ଭାରତ ଏହାପୂର୍ବରୁ ଋଷିଆକୁ ୧୦-୦ ଏବଂ ପୋଲାଣ୍ଡ ଦଳକୁ ୩-୧ ଗୋଲ ବ୍ୟବଧାନରେ ପରାସ୍ତ କରିଥିଲା ।
କଳିଙ୍ଗ ଷ୍ଟାଡ଼ିୟମରେ ଆଜି ରାତିରେ ଅନୁଷ୍ଠିତ ହୋଇଥିବା ଏହି ମ୍ୟାଚରେ ଆକାଶଦୀପ ସିଂହ ହାଟ୍ରିକ୍ ଅର୍ଜନ କରିଛନ୍ତି । ସେ ମ୍ୟାଚର ୧୧ ମିନିଟ, ୨୬ତମ ଏମଂ ୫୩ତମ ମିନିଟରେ ହ୍ୟାଟ୍ରିକ୍ ଗୋଲ୍ ସ୍କୋର କରିପାରିଛନ୍ତି ।
ଏହି ଟୁର୍ଣ୍ଣାମେଣ୍ଟରେ ଖେଳୁଥିବା ଦୁଇଟି ଶ୍ରେଷ୍ଠ ଟିମ୍ ଅଲିମ୍ପିକ୍ସ ଲାଗି ଯୋଗ୍ୟତା ଅର୍ଜନ କରିପାରିବ । ତେବେ ଏହି ସିରିଜରେ ପୁଲର ଶ୍ରେଷ୍ଠ ଦୁଇଟି ଟିମ୍ ସେମିଫାଇନାଲକୁ ଉନ୍ନୀତ ହେବେ ।
ଭାରତ ଶୁକ୍ରବାର ଦିନ ଜାପାନ ଓ ପୋଲାଣ୍ଡ ମଧ୍ୟରେ ହେବାକୁ ଥିବା ମ୍ୟାଚର ବିଜୟୀ ଦଳ ସହିତ ସେମିଫାଇନାଲ୍ ଖେଳିବ ।