ଅହମ୍ମଦାବାଦ: ଆଜିଠୁ ଭାରତ-ଇଂଲଣ୍ଡ ମଧ୍ୟରେ ଚତୁର୍ଥ ତଥା ଶେଷ ଟେଷ୍ଟ ମ୍ୟାଚ୍ । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଏହି ମ୍ୟାଚ ଖେଳାଯାଉଛି । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ଇଂଲଣ୍ଡ । ଭାରତ ୨-୧ରେ ସିରିଜ ଆଗୁଆ ରହିଛି । ୫୫୦ତମ ଟେଷ୍ଟ ମ୍ୟାଚ୍ ଖେଳିବ ଭାରତ । ଏହି ମ୍ୟାଚ୍ ଜିତି ସିରିଜ କବଜା କରିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ ।
Team News:
1⃣ change in #TeamIndia as Mohammed Siraj named in the playing XI.
2⃣ changes for England as Dan Lawrence & Dom Bess picked in the team. @Paytm #INDvENG
Follow the match ? https://t.co/9KnAXjaKfb pic.twitter.com/QvrhCgERhz
— BCCI (@BCCI) March 4, 2021
ଆଜିର ମ୍ୟାଚରେ ଖେଳୁ ନାହାନ୍ତି ଯଶପ୍ରୀତ ବୁମରାହ । ତାଙ୍କ ସ୍ଥାନରେ ଚୂଡ଼ାନ୍ତ ଏକାଦଶକୁ ଫେରିଛନ୍ତି ମହମ୍ମଦ ସିରାଜ । ଉମେଶ ଯାଦବଙ୍କୁ ବି ସୁଯୋଗ ମିଳିନାହିଁ । ବାକି ସବୁ ଖେଳାଳି ଅପରିବର୍ତ୍ତିତ ରହିଛନ୍ତି ।
ସେପଟେ ଇଂଲଣ୍ଡ ବି ଏହି ମ୍ୟାଚ ଜିତି ସିରିଜ ବରାବର କରିବା ଲକ୍ଷ୍ୟରେ ରହିଛି । ବିଜୟ ଧାରାକୁ ଫେରିବାରୁ ଭରପୁର ଚେଷ୍ଟ କରିବ ଭ୍ରମଣକାରୀ ଦଳ । ଇଂଲଣ୍ଡ ଟିମରେ ଦୁଇଟି ପରିବର୍ତ୍ତନ ହୋଇଛି । ପ୍ଲେଇଂ ଇଲେଭେନରେ ସାମିଲ ହୋଇଛନ୍ତି ଡନ୍ ଲରେନ୍ସ ଓ ଡମ୍ ବେସ୍ ।