ଆମେରିକା ମଧ୍ୟବର୍ତ୍ତୀକାଳୀନ ନିର୍ବାଚନ: ଭାରତୀୟ ବଂଶୋଦ୍ଭବ ଡେମୋକ୍ରାଟ୍ ନେତାଙ୍କ ବାଜିମାତ୍, ଅରୁଣା ମିଲର ଓ ସୁହାସ ସୁବ୍ରମଣ୍ୟମ ବିଜୟୀ; ପିଆ ଦାଣ୍ଡିୟାଙ୍କ କମାଲ୍
ନୂଆଦିଲ୍ଲୀ: ଆମେରିକାରେ ଅନୁଷ୍ଠିତ ମଧ୍ୟବର୍ତ୍ତୀକାଳୀନ ନିର୍ବାଚନରେ ଭାରତୀୟ ବଂଶୋଦ୍ଭବ ଡେମୋକ୍ରାଟିକ୍ ନେତାମାନେ ଭଲ ପ୍ରଦର୍ଶନ କରି ନିଜର ଦାବି ମଜବୁତ୍ କରିଛନ୍ତି। ଆମେରିକା କଂଗ୍ରେସ ଓ ରାଜ୍ୟସ୍ତରୀୟ ପଦବୀ ପାଇଁ ହୋଇଥିବା ଏହି ଗୁରୁତ୍ୱପୂର୍ଣ୍ଣ ନିର୍ବାଚନରେ ଭାରତୀୟ-ଆମେରିକୀୟ ନେତା ସୁହାସ ସୁବ୍ରମଣ୍ୟମ, ଅରୁଣା ମିଲର ପୁନଃ ନିର୍ବାଚିତ ହୋଇଥିବା ବେଳେ ଶିକ୍ଷାବିତ୍ ପିଆ ଦାଣ୍ଡିୟା ନୂଆ ଇତିହାସ ରଚନା କରିଛନ୍ତି।
ସୁହାସ ଓ ଅରୁଣାଙ୍କ ବଡ଼ ବିଜୟ :
ଭର୍ଜିନିଆର ୧୦ମ କଂଗ୍ରେସନାଲ୍ ଜିଲ୍ଲାରୁ ଡେମୋକ୍ରାଟିକ ସାଂସଦ ସୁହାସ ସୁବ୍ରମଣ୍ୟମ ତାଙ୍କର ରିପବ୍ଲିକାନ୍ ପ୍ରତିଦ୍ୱନ୍ଦ୍ୱୀ ଡେଭ୍ ବେକୱିଥ୍ଙ୍କୁ ପରାସ୍ତ କରି କ୍ରମାଗତ ଦ୍ୱିତୀୟ ଥର ପାଇଁ ଆମେରିକୀୟ ହାଉସ୍ ଅଫ୍ ରିପ୍ରେଜେଣ୍ଟେଟିଭ୍ସକୁ ନିର୍ବାଚିତ* ହୋଇଛନ୍ତି। ଅନ୍ୟପଟେ, *ମେରୀଲ୍ୟାଣ୍ଡରେ ଭାରତୀୟ ବଂଶୋଦ୍ଭବ ଅରୁଣା ମିଲର ପୁନର୍ବାର ଉପ-ରାଜ୍ୟପାଳ ଭାବେ ନିଜ ଆସନ ବଜାୟ ରଖିଛନ୍ତି। ରାଜ୍ୟପାଳ ୱେସ୍ ମୁରଙ୍କ ସହ ତାଙ୍କର ବିଜୟ ମେରୀଲ୍ୟାଣ୍ଡରେ ଡେମୋକ୍ରାଟ୍ ଦଳକୁ ଅଧିକ ଶକ୍ତିଶାଳୀ କରିଛି।
ପିଆ ଦାଣ୍ଡିୟାଙ୍କ ଐତିହାସିକ ପ୍ରଦର୍ଶନ :
ଫ୍ଲୋରିଡାର କଂଗ୍ରେସନାଲ୍ ଜିଲ୍ଲାରେ ଭାରତୀୟ ବଂଶୋଦ୍ଭବ ଡେମୋକ୍ରାଟ୍ ପ୍ରାର୍ଥୀ ପିଆ ଦାଣ୍ଡିୟା ଉଲ୍ଲେଖନୀୟ ବିଜୟ ହାସଲ କରି ଆମେରିକା ସଂସଦରେ ଦକ୍ଷିଣ ଏସୀୟ ପ୍ରତିନିଧିତ୍ୱକୁ ନୂଆ ଉଚ୍ଚତାକୁ ନେଇଛନ୍ତି। ସେ ତାଙ୍କର ରିପବ୍ଲିକାନ୍ ପ୍ରତିଦ୍ୱନ୍ଦ୍ୱୀ କେସି ଆସ୍କାରଙ୍କୁ କଡ଼ା ମୁକାବିଲାରେ ହରାଇ ଆମେରିକା ରାଜନୀତିରେ ଇତିହାସ ସୃଷ୍ଟି କରିଛନ୍ତି ପିଆ
ପ୍ରତିନିଧି ସଭା ଏବଂ ସିନେଟ୍ରେ ବହୁମତ ନିର୍ଦ୍ଧାରଣ କରୁଥିବା ଏହି ନିର୍ବାଚନରେ ଭାରତୀୟ-ଆମେରିକୀୟ ନେତାଙ୍କ ଏହି ବିଜୟ ବିଶ୍ୱସ୍ତରରେ ପ୍ରବାସୀ ଭାରତୀୟ ସମୁଦାୟର ବୃଦ୍ଧିପାଉଥିବା ପ୍ରଭାବକୁ ପୁଣିଥରେ ପ୍ରମାଣିତ କରିଛି। ଏହି ସଫଳତା ଆଗାମୀ ଦିନରେ ଆମେରିକୀୟ ରାଜନୀତିରେ ଭାରତୀୟ ସମୁଦାୟର ଗୁରୁତ୍ୱକୁ ଆହୁରି ଅଧିକ ସୁଦୃଢ଼ କରିବ ବୋଲି ଆଶା କରାଯାଉଛି।