ନୂଆଦିଲ୍ଲୀ: ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ବର୍ଷେରୁ ଅଧିକ ସମୟ ଧରି ଚାଲିଛି। ଦୁଇ ଦେଶ ପଛଘୁଞ୍ଚା ଦେବାକୁ ପ୍ରସ୍ତୁତ ନୁହଁନ୍ତି। ଏହି ସମୟରେ, ୟୁକ୍ରେନରେ ଯୁଦ୍ଧ ଘଟାଇଥିବାରୁ ଋଷର ରାଷ୍ଟ୍ରପତି ପୁଟିନଙ୍କୁ ଅନ୍ତର୍ଜାତୀୟ ଅପରାଧିକ କୋର୍ଟ ଗିରଫ କରିବାକୁ ୱାରେଣ୍ଟ ଜାରି କରିଛନ୍ତି। କୋର୍ଟ କହିଛନ୍ତି ଯେ ୟୁକ୍ରେନର ଅଧିକୃତ ଅଞ୍ଚଳରୁ ପିଲାମାନଙ୍କୁ ବେଆଇନ ଭାବେ ଋଷିଆ ନେଇ ଯାଇଥିବା ଅଭିଯୋଗରେ ପୁଟିନଙ୍କୁ ଦାୟୀ କରି ଏଭଳି ଏକ ଗିରଫ ଓ୍ୱାରେଂଟ ଜାରି ହୋଇଛି।
ପଡ଼ୋଶୀ ୟୁକ୍ରେନ ଦ୍ୱାରା କରାଯାଇଥିବା ଏପରି ଅତ୍ୟାଚାର ଅଭିଯୋଗକୁ ଋଷ ବାରମ୍ବାର ପ୍ରତ୍ୟାଖ୍ୟାନ କରିଛି। ଅନ୍ତର୍ଜାତୀୟ ଅପରାଧିକ କୋର୍ଟର ପ୍ରି-ଟ୍ରାଏଲ୍ ଚାମ୍ବର-୨ ପୁଟିନଙ୍କ ସମେତ ଦୁଇ ଜଣଙ୍କୁ ଗିରଫ ୱାରେଣ୍ଟ ଜାରି କରିଛି। ସେମାନଙ୍କ ମଧ୍ୟରେ ଦ୍ୱିତୀୟ ନାମ ହେଉଛି ମାରିଆ ଆଲେକ୍ସେଭେନା ଲଭୋଭା-ବେଲୋଭା। ଋଷର ଶିଶୁ ଅଧିକାର କମିଶନର ହେଉଛନ୍ତି ମାରିଆ ଆଲେକ୍ସାଇଭନା ଲଭୋଭା-ବେଲୋଭା।
କୋର୍ଟ ଦର୍ଶାଇଛନ୍ତି ଯେ ଗତବର୍ଷ ଫେବୃଆରୀ ୨୪ରେ ଋଷର ଆକ୍ରମଣ ଆରମ୍ଭରୁ ୟୁକ୍ରେନ ଅଧିକୃତ ଅଞ୍ଚଳରେ ୟୁକ୍ରେନର ପିଲାମାନଙ୍କୁ ବେଆଇନ ଭାବେ ରୁଷିଆ ନେଇ ଯାଇଥିବା ମଧ୍ୟ ଅଭିଯୋଗ ହୋଇଛି। କୋର୍ଟ ଦର୍ଶାଇଛନ୍ତି ଯେ ପୁଟିନ ବ୍ୟକ୍ତିଗତ କିମ୍ବା ଅନ୍ୟମାନଙ୍କ ସହ ମିଳିତ ଭାବରେ ଏପରି କାମ କରିଥିବାରୁ ସେ ଦାୟୀ ରହିବେ।
ଅନ୍ତର୍ଜାତୀୟ ଅପରାଧିକ କୋର୍ଟ କହିଛନ୍ତି ଯେ ଋଷର ରାଷ୍ଟ୍ରପତିଙ୍କ କାର୍ଯ୍ୟାଳୟରେ ଶିଶୁ ଅଧିକାର କମିଶନର ମାରିଆ ଆଲେକ୍ସାଇଭନା ଲଭୋଭା-ବେଲୋଭା ଶିଶୁଙ୍କୁ ବେଆଇନ ଭାବେ ଦେଶରୁ ବିତାଡିତ କରିବା ଯୁଦ୍ଧ ଅପରାଧ ପାଇଁ ଦାୟୀ ବୋଲି ଅଭିଯୋଗ ହୋଇଛି।
ଗୁରୁତ୍ୱପୂର୍ଣ୍ଣ କଥା ହେଲା ଯୁଦ୍ଧ ପ୍ରଥମେ ଆରମ୍ଭ କରିନି ବୋଲି ଋଷ କହିଆସୁଛି। ଭାରତରେ ଜି-୨୦ ବୈଠକରେ ମଧ୍ୟ ଋଷର ପ୍ରତିନିଧି କହିଥିଲେ ୟୁକ୍ରେନ ପ୍ରଥମେ ଯୁଦ୍ଧ ପାଇଁ ପଦକ୍ଷେପ ନେଇଛି। ତେବେ ପୁଟିନଙ୍କ ବିରୋଧରେ ଅନ୍ତର୍ଜାତୀୟ କୋର୍ଟ ଏଭଳି ଏକ ଗିରଫ ଓ୍ୱାରେଣ୍ଟ ଯଦିଓ ଜାରି କରିଛି ହେଲେ ଗିରଫ କରିବାକୁ ନାହିଁ ଆବଶ୍ୟକ ସମ୍ବଳ। ସେହିପରି ଏପରି କାର୍ଯାନୁଷ୍ଠାନ ପଦକ୍ଷେପକୁ ଋଷ ବିରୋଧ କରିଛି।