ନୂଆଦିଲ୍ଲୀ:ଜାପାନରେ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି। ଭୂମିକମ୍ପ ପରେ ସୁନାମି ପାଇଁ ଚେତାବନୀ ଜାରି କରାଯାଇଛି। ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୭.୪ ଥିଲା। ଭୂକମ୍ପର କେନ୍ଦ୍ରସ୍ଥଳ ସୈନରିକୁ ଉପକୂଳରୁ ପ୍ରାୟ ଶହେ କିଲୋମିଟର ଦୂରରେ ଅବସ୍ଥିତ ଥିଲା। ଭୂମିକମ୍ପର ଗଭୀରତା ଦଶ କିଲୋମିଟର ବୋଲି ଆକଳନ କରାଯାଇଛି।
ଜାପାନ ପାଣିପାଗ ସଂସ୍ଥା କହିଛି ଯେ କିଛି ଅଞ୍ଚଳରେ ସୁନାମି ଲହରୀ ମଧ୍ୟ ଆସିଛି। ଏଜେନ୍ସି ଅନୁଯାୟୀ, ମିୟାକୋ ବନ୍ଦରରେ ୮୦ ସେଣ୍ଟିମିଟର ଉଚ୍ଚତାର ସୁନାମି ଲହରୀ ରେକର୍ଡ କରାଯାଇଛି।
ପାଣିପାଗ ସଂସ୍ଥା ଜାପାନର ମୁଖ୍ୟ ଦ୍ୱୀପର ଉତ୍ତର ଭାଗରେ ଅବସ୍ଥିତ ଆଓମୋରି ପ୍ରାନ୍ତର ଉପକୂଳରୁ ପଚାଶ କିଲୋମିଟର ଦୂରରେ ସୁନାମି ଦେଖିଛନ୍ତି। ଏହି କାରଣରୁ ଜାପାନକୁ ହାଇ ଆଲର୍ଟରେ ରଖାଯାଇଛି।
ଜାପାନର ପ୍ରଧାନମନ୍ତ୍ରୀ ତାକାଇଚି ପୋଷ୍ଟ କରିଛନ୍ତି ଯେ, “ସୁନାମି ଆଲର୍ଟ ଅଞ୍ଚଳର ବାସିନ୍ଦାମାନେ ତୁରନ୍ତ ଉଚ୍ଚ ସ୍ଥାନ କିମ୍ବା ଅନ୍ୟାନ୍ୟ ସୁରକ୍ଷିତ ଉଚ୍ଚ ସ୍ଥାନକୁ ସ୍ଥାନାନ୍ତର ହେବା ଉଚିତ।”